Read Mousgoum Yama na wiini David 72 Bible Online

Yama na wiini David 72 - Mousgoum bible

Yama na wiini David 72

¹Yama na wiini Slmun. Alaw wiya, hina pai a ziti sariya na jre maini na ku na ziti nɵa, sitini jreku wiini ahini pai ɗa lai,

²a ziti sariya wiiɗi ɗaiku war jre, a za siɗi na murgakai pini gadaiku lai.

³Huwoŋai, kisi ɵeɗ wiiɗi ɗai, boŋorai lai, war jre.

⁴Aga pai a ziti sariya na jre wiiɗi na murgakai n’arbaɗi ɗai, aga a kûrɗiɗi ɗai na haw ɗa lai, aga a baza ni n’a ziɗi gir wiiɗi ɗai lai.

⁵Nɵa haa sini piniziba n’asakal sek, na ɓa futi te na, tile a na lai ɗa, ɗai aga e hunuku.

⁶Aga a kata gaini faŋ n’a ɵa wrni vuwai na gaini zizini ta, maini faŋ n’a yima afti kai nɵa.

⁷War mefeŋ na wiini ɗa, jre ɗa aga te riya edi, hlai paŋ n’a ɓa tile ɗa a na ɗa, ɵeɗ aga a riya amai sek sek

⁸A ga a ŋa sini yem-ra n’abai zi manda par, haa sini yem-ra n’abai na Mediteraniya, sini ra Öfrata par, haa edi mini koŋɗi yai ta ta.

⁹Nagai n’e simni edi war basga na kaɗataŋ aga e hûrgi azumai, gawni aga e hini alogodo.

¹⁰Paakai na tarsis gaiɗi na midini hudi par aga e kinisi tar na wiiɗi, paakai na Saba gaiɗi na Seba par aga e kinisi like lai.

¹¹Paakai paŋ aga e hûrgi azumai wuzani, aga a ŋa midini pinzibaɗi ɗai paŋ.

¹²Buri ɓa aga a pla ɗif na haw n’a na paya zinai ɗa edi, gaini ɗif na murga na ɗif n’a zina pini aŋ kai ɗa lai.

¹³Aga a hiina haw buriɗi na hurafai gaiɗi na haw, aga a kûrɗiɗi na murgakai lai.

¹⁴Aga a piliɗi edi mini gir na tiɗi ɗai par gaini karai na tiɗi ɗai par lai, aga a tala felɗi arni caŋ gara,

¹⁵a zuva ɓa pai ɗa wala a zaŋ kai, kapai ɗai e kinisi or na Saba par, e siiwi burini kureɗkureɗ kapai Alaw a ɓakaŋ mefeŋ mefeŋ paŋ.

¹⁶Algama aga a za viya midini afti, midini aga a gigiza amai midini huwuŋ maini luwoŋai na Liba nɵa, ɗai paŋ siɗi aga a firiya maini evek na midini afti nɵa.

¹⁷Yikini pai a wa ɵa haa kureɗ, na ɓa futi te a ɗa, yikini sini aŋ wa wuzani sek sek ɵa, ɗai e ɓiki marɗi gaini, pini zibaɗi ɗai pŋ aga e miɗi: Sleɗ aŋ midini.

¹⁸Kol sini Alaw Epiɗ-ɗai Alaw na wiiɗi Izrayel, Ni n’a za wazagai zi hiila, n’a bunda ɗif hiyak A ni ktai.

¹⁹Kol sini yikini n’abai haa hlai n’a vada kai, a zuva ɓa afti paŋ a va gaiɗi abai na wiini, A za ɗa ɵa, a za ɗa ɵa.

²⁰Hanɗa a dibini siiwa na wiini David n’ahini Isai.