Read Mousgoum Yama na wiini David 75 Bible Online

Yama na wiini David 75 - Mousgoum bible

Yama na wiini David 75

¹Yama na wiini Asaf na e tikiŋsi war maktuɓ zi yama na wiini abai na midini yama par, n’e ziniŋ gaini wule n’e yikiŋ ɓa: "tuuraŋ edi kai", yama.

²Mi zuku tese Alaw na wiyi, mi zuku tese, ku na gaigai gaiyi kai, ɗai e ɗa miɗi edi midini sdaku n’abakai n’a bunda ɗif hiyak ɗa.

³Alaw a muɗa: War mefeŋ n’aga mu ɗiyaŋ ɗa, aga mu ɗûkliti sariya war jre.

⁴Afti a kiɗa a hiliya edi gaiɗi ɗai na midini paŋ, garakai na pini mu ɗiyaŋ gdaŋ muta. Sela

⁵Mu miɗiɗi wiiɗi nagai n’e kûli siɗi, ki kûli siki kai, mu miɗiɗi wiiɗi nagai na maafanai ɓa: Ki Ɗiyi miyok kaalai.

⁶Ŋi na ki ŋi siki na ɵa ta, ki pi pini seŋki zi miɗi na meefeŋ gaŋ kai.

⁷Buri ɓa rɗi n’amai ɗa a halasi ɗa piɗi futi na gorof par kaalai, na koskoi par kaalai, edi war basga na kaɗataŋ par kaalai,

⁸amma a ziti sariya ɗa a Alaw, a waya ɗif na ktai ɗa azumai, a yima ɗif na ktai amai.

⁹Buri ɓa EPIƊ-ƊAI aŋ gaiɗi kup zi ci vin war tini, aŋ gaini vin gaini na ɗewek n’a biva lai na wiini hiy, a siŋɗi wiiɗi na maafanai na midini afti paŋ, e ciŋ haa gaini pini n’a tika azumai ɗa paŋ.

¹⁰Amma ta ɗa aga mu muɗa edi midini hanɗa kureɗ, aga mu kola Alaw na wiini Yakob gaini yama,

¹¹kûlini-si na wiiɗi ɗai na maafanai aga mu vadaŋ edi, amma kol na wiiɗi na jrekai ɗa aga mu riyaŋ amai.