Read Mousgoum Yama na wiini David 76 Bible Online

Yama na wiini David 76 - Mousgoum bible

Yama na wiini David 76

¹Yama na wiini Asaf na e tikiŋsi warni maktuɓ zi yama na wiini abai na midini yama par n’e ziniŋ gaini adill zi sogom, yama.

²Ɗai na Yuda ɗa e siɗi Alaw edi gaglai, yikini a waa gara warɗi Izrayel.

³Gumuni ɗa a na warɗi Salem, simnini ɗa aha warɗi Siyon.

⁴Woni a fuɗa afuni ɓaraw azumai, a haɗa gamar gaini kaɵkar gaini wazagai zi hatam na zamai zamai.

⁵Ku ŋala gara, ku zuva gara lai, ku suwa huwoŋai na wiiɗi na mahalakai.

⁶Ɗai nagai na agulɗi a huna kai hanɗa, e miliɗi maini der na pini hatam nɵa, gaŋgalaŋai hanɗa e niyi warni weseŋ zi mri, ktai n’a kiɗa aŋ saka sini aŋ kai.

⁷Alaw na wiini Yakob, Won hlai na ku ɓiriɗi ɗa, plasai gaiɗi ɗai na midini ɗa weseŋ n’abai a yimiɗi.

⁸Tuku ɗa ku maswar gara, n’a kiɗa aŋ ɗiya muku war mefeŋ na ku za li hiy ɗa, asiya ɗa?

⁹Amai war hlai n’amai par ɗa tuku Alaw ku ɗiyitisi sariya zaw, yai paŋ te huna, te ɗiya hiyak.

¹⁰Won hlai na ku fakasi amai aŋ ziti sariya na war jre, aŋ kûrɗiɗi na murgakai na midini afti paŋ ɗa. Sela

¹¹Hiy na wiiɗi ɗai maa a sa kol suku, nagai n’e pirisi edi mini hiy par ɗa aga e kuluku lai.

¹²Ki zi ɵinini-ha wiini Epiɗ-ɗai Alaw na wiiki, vin amai lai, tiki paŋ na ki gûniŋ azumai ɗa, ki kinisi like wiini Alaw zi sabab ɗa.

¹³A miliɗi hunai piɗi n’abakai, sabab gara buriɗi paakai na midini afti lai.