Read Mousgoum Yama na wiini David 79 Bible Online

Yama na wiini David 79 - Mousgoum bible

Yama na wiini David 79

¹Yama na wiini Asaf, Alaw wiiya, pinziba n’edi par ɗa, e tiki aftiku ɗa ɗaw, e bindi tempelku na sɗik ɗa hi-hir. E binditi Yeruzalem aŋ greŋ lai.

²E si kopoŋɗi ɗaiku aŋ wala zi simi wiini wazagai zi ɗufli n’arbani hlai n’amai, e siɗi marmakaiku wiini wazagai n’ezini puɗu puɗu na midini afti,

³e gûniti Yeruzalem azumai gaini felɗi gun maini yem n’a ka nɵa. Ɗif n’a piɗi azumai aŋ kai.

⁴Ɗai na ɵemayi ɗa e tirkiyi, nagai n’e gûniyi azumai ɗa e ziyi yewere, e riyi piyi,

⁵kapai suku pini hiyku ɵa teɓ ɵa haa kaswata ɗa. Sile na warku ɗa aga a ya maini afu ɵa haa kaswata ɗa?

⁶Hina suwarku a sumna midini piniziba n’edi na suɗuku kai ɗa, midini aftiɗi paakai n’e yiki yikuku war miɗi kai ɗa,

⁷buri ɓa e miliɗi pinzibani Yakob ɗa ta, e tûûri aftini edi lai.

⁸Hina muduku a wula gaini meefeŋyi na ɗipar ɗa, hina hiinini-haw na wiiku a halasi miyi witaw, buri ɓa mi zi huruf gara ta.

⁹Alaw na ku kurɗiyi, zina piyi ta, buriɗi abai na wiini yikuku. Piliyi edi, haza tuwuryi edi lai burini yikuku.

¹⁰Ku hiniɗi ɗai n’edi par e zilbi ɓa: Alaw na wiiɗi ɗa aŋ wata ɗi ɗa, maɵa maɵa ɗa? Siŋkiɗi wuzani aryi ɓa, tuku ku vurga felɗi ɗaiku n’a ma edi ɗa.

¹¹Hina tuwi na wiiɗi ɗai na war daŋgai ɗa a halaɗi haa suku ta, gaini spakku n’abai ɗa, koto suŋfaɗi nagai n’e ɗa gobi mini mri ɗa.

¹²Tirki na nagai na ɵemayi e tirkuku ɗa, wiyiŋɗi midini tizaw, EPIƊ-ƊAI, ku wiyiŋɗi midini haa azi muguzak.

¹³Amma tiyi ɗa, tiyi ɗaiku ɗa, fara na war gɗamku ɗa, aga mu kuluku haa kureɗ, aga mu kuluku gaini yama haa hlai n’a vada kai, n’a vada kai.