Read Mousgoum Yama na wiini David 80 Bible Online

Yama na wiini David 80 - Mousgoum bible

Yama na wiini David 80

¹Yama na wiini Asaf, n’e tikiŋsi war maktuɓ zi yama n wiini abai na miini yama par, n’e ziniŋ gaini adill zi sogom. Yama.

²Jaga ɵimaku miyi ɗif zi giɗimi na wiiɗi Izrayel, tuku na ku ɵa wuzani inzibani Yosef, maini n’e ɵi wuzani farai nɵa, tuku na ku sumna amai midiɗi Kerubimkai, siŋkasi suku edi warɗi abaiku zi ŋili.

³Siŋka gdaŋku edi wuzani pinzibani Efrayim, Benyamin gaini Manase lai; Fakasi amai, halasi kurɗiyi edi.

⁴Alaw wiyi, wiyiyi war balamyi n’avut, za pɗemku siyi kapai mi kûrɗi.

⁵Epiɗ-ɗai Alaw zi Spak paŋ, kapai ku za hiy, sin siiwa na wiiɗi ɗaiku ɵa haa kaswata ɗa?

⁶Ku siɗi tuwi aŋ wala zi simi, ku siɗi abai maini yem-ra n’abai nɵa, aŋ wala zi ci,

⁷Ku bindiyi aŋ wala n’a gla sispai arbaɗi ɗai na ɵimayi, gawyi ɗe e ziyi yewere lai maini n’e diri nɵa.

⁸Alaw zi Spak, wiyiyi war balamyi n’avut, za pɗemku siyi kapi mi kûrɗi.

⁹Ku rɗasi luwuŋ zi vin war Egipte par, ku birga ɗai edi, ku paŋ azumai pra,

¹⁰Ku zizina afti wuzani, sirdaini a ruva azumai arni afti; luwuŋ hanɗa a tika afti paŋ.

¹¹Sezni a wa tini edi midini huwaŋai, graŋni maini luwuŋ Sedre na wiini Alaw nɵa.

¹²A wagraŋni haa edi min yem-ra n’abai na Mediteraneya ta, tini n’a pa hahakai a wa edi haa sin ra Öfrata ta lai.

¹³Ku ɵa baŋ arɗi ɵagai na sini ɗa, haa ɗai n’e vigi paŋ e niyi amlai, e hili ali luwuŋ ɗa, buri ma ɗa?

¹⁴Ezeŋ n’edi arni luwuŋ a tuuraŋ, a bunda aŋ wala zi simi na wiini wazagai n’edi buza paŋ.

¹⁵Alaw zi Spak paŋ, za barka, waisi siyi wai, amai war hlai n’amai par, mulasi arku, tika hangalku sin luwuŋ hanɗa.

¹⁶Zina pin luwuŋ na tuku dama ku paŋ gaini spakku, gaini ahi na tuku dama ku sini spak ɗa.

¹⁷Luwuŋ zi vin hanɗa, gawyi e yiŋ gaini afu, e biliŋ azumai, nagai n’e zi hanɗa, ku vidiɗi edi gaini hiyku.

¹⁸Pa tuku midini pai n’a sumna midiɗi tuku na wus, midini ɗif na tuku dama ku sini spak ɗa.

¹⁹Nɵa aga mi hunuku edi kir kai, hiniyi karyi kapai mi yiki yikiku.

²⁰EPIƊ-ƊAI, Alaw zi Spak paŋ, wiyiyi war balamyi n’avut ɗa, za pɗemku siyi kapai mi kûrɗi.