Read Mousgoum Yama na wiini David 81 Bible Online

Yama na wiini David 81 - Mousgoum bible

Yama na wiini David 81

¹Yama na wiini Asafn’e tikiŋsi war maktuɓ zi yama na wiini abai na midini yama par, n’e ziŋiŋ gaini adill n wiini Gat.

²Ɗûûli gaini firiyi sini Alaw n’a sumu gdaŋ, ɵiɓi tiki pin Alaw na wiini Yakob.

³Tiki yama amai, ɵiɓi gaŋga, ɵiɓi adill gaini gaŋgraŋ;

⁴yibi faana min merfeŋni tile ɗa, pra, war sarti na tile a cosi arba, miɗi fet na wiimu.

⁵Buri hanɗa a gadai zi ɗû na buriɗi Izrayel. A gadai zi ɗiyi na wiini Alaw na wiini Yakob.

⁶A wala zi zaida n’a saŋ sin pinzibani Yosef, won hlai n’a haa aŋ hitima gaiɗi Egipte. Mu ɵina wule a muɗa sa, amma ɗif n’a muɗa ɗa, mu sɗaŋ kai. A muɗaŋa maini nɵa:

⁷Mu tika jak n’aŋ wulani ɗa edi ɗaw, mu mula tini edi sini dologo ɗa par yaw lai.

⁸War girku, ku ɗuula sa, mu pluku edi, mu wuyuku seŋ amlai arbani berber par. Mu tutumuku ɵimani yem zi liiwi na Meriba. Sela

⁹Ɗaiŋa, ɵini, mu dara mu miɗiki seŋ ktai. Izrayel, na ɓa ki ɵini a ɵini ma ɗa.

¹⁰Aga e nivi alawai zamai arbaki kai. Aga ki hûrgi azumai wuzani alawai n’edi par kaalai.

¹¹Ta m’EPIƊ-ƊAI, Alaw na wiiki, n’a milikisi edi war Egipte par, ki mili miki amai pɗem mal, aga mu vaŋ.

¹²Amma ɗaiŋa e ɵini ma kai. Ɗai na Izrayel e diri sa kaalai.

¹³Nɵa mu hiniɗi pin agulɗi na hriŋ, e zi paŋ n’agulɗi a daraŋ ɗa.

¹⁴Kaai, na ɓa ɗaiŋa e ɵini a ɵini ma ɗa. Ɗai na Izrayel e tikiti fu na te futiŋa ɗa,

¹⁵aga mu tkiɗi siyer wiiɗi gawɗi gai yafai kai, aga mu waya gir ɗa midiɗi nagai n’e diriɗi kai ɗa lai.

¹⁶Nagai n’e diri EPIƊ-ƊAI kai ɗa, aga e ɵiɓi tiɗi wuzani war rhai, simni n ɵeɗ na wiiɗi Izrayel aga a vada edi kir kai.

¹⁷Alaw aga a siɗi algama na gaini futini aŋ simi wiiɗi Izrayel, a siɗi emel n’amai n’edi buza lai.