Read Mousgoum Yama na wiini David 82 Bible Online

Yama na wiini David 82 - Mousgoum bible

Yama na wiini David 82

¹Yama na wiini Asaf. Alaw a ɗiya war diŋgi na wiiɗi alawai, a ziti sariya a muɗa:

²Tiki ki ziti sariyawar jre kai, ki zi pɗem wiiɗi na maafanai ɗa, aga ki zi hanɗa nɵa haa kaswata ɗa? Sela.

³Ziti sariya na jre wiiɗi na hurofai gaini na huyokai, ziti sariya war futini wiiɗi na murgakai gaiɗi na haw.

⁴Sla ɗif n’a huruf gaini na murga ɗa su, kûrɗiɗi tiɗi ɗai na maafanai par.

⁵Nagai e siɗi wala kai, yel midiɗi kaalai, e piyi ɗa war gegeŋ, nɵa ezini afti zi tûûri azumai ɗa paŋ a muguza.

⁶Mu muɗa a ya ɓa tiki ki ɗi alawai, tiki paŋ ki ɗi alini Alaw n’Amai.

⁷Paŋ tai aga ki mri maiɗi ɗai murɗakai nɵa, ki mri maini ktai arbaɗi paakai nɵa.

⁸Alaw wiya, fakasi amai, ziti sariya wiiɗi ɗai na midiɗi yai paŋ, buri tuku ku pai na midini pinzibaɗi ɗai paŋ.