Read Mousgoum Yama na wiini David 83 Bible Online

Yama na wiini David 83 - Mousgoum bible

Yama na wiini David 83

¹Yama na wiini Asaf. Yama.

²Alaw wiya, ku sumna liyik kai, ku ɓa muku kai, ku sumna liyik kai, Alaw wiya.

³Buri ɓa awki e ɗa migizi, nagai n’e diriku kai ɗa e ɗa fiki amai suku.

⁴E rgi miɗi midiɗi ɗaiku gaini yel, war kuɗuhai, e kiti miɗi midiɗi nagai n’e ɗa war gɗamku.

⁵E miɗi: Hilisi, hulumu mu vuduɗumu edi arbaɗi pini zibaɗi ɗai par, kapai ɗif midini kɵa gaini yikiɗi Izrayel kir kai.

⁶E kiti miɗi war hiini ktai, e tipi siɗi war bonu ktai muduku,

⁷ɗai na Edom gaiɗi pinzibani Ismayel, ɗai na Mowab gaiɗi pinzibaɗi Agar,

⁸ɗai na Gebal, pinzibani Ammon, pinzibani Amalek, Filistrekai gaiɗi ɗai na Tirus,

⁹ɗai na Siriya ɗa lai e diŋgi gaiɗi paŋ, e diri e zini piɗi pinzibani Lot. Sela

¹⁰Za siɗi maini na ku za sini Madiyan ɗa nɵa, maini na ku za sini Sisera gaini Yabim war huduk na Kison ɗa nɵa.

¹¹Ku vidiɗi edi war Ein-dor, e bindi aŋ zilgit na midini afti.

¹²Za siɗi ɗai ɗi n’abakai maini na ku za sini Oreɓ gaini Zeɓ ɗa nɵa, ku za siɗi paakaiɗi maini na ku za sini Zeba gaini Salmuna ɗa nɵa.

¹³Nagai n’e miɗi ɓa: Tukumu hlai na wiini Alaw aŋ wiimu.

¹⁴Alaw wiya, bindiɗi maini bra na avuluvili te tikaŋ ɗa nɵa, maini evek na smer a fanaŋ nɵa.

¹⁵Maini afu n’a tika pini jur nɵa, maini elesni afu n’a ya huwoŋai nɵa lai.

¹⁶Nɵa, tika futi piɗi gaini berber na wiiku, miliɗi hunai piɗi gaini smer na gdaŋ na wiiku.

¹⁷Ku hina arɗi a yima amai kai tini siyer, kapai e bindisi arɗi aŋ piyuku EPIƊ-ƊAI.

¹⁸Hina siyer a yimiɗi, hunai n’abai a yimiɗi lai haa kureɗ. Hiniɗi e tiki siyer, e vidi edi lai.

¹⁹Kapai a yima midiɗi ɓa: E yikuku ɓa EPIƊ-ƊAI ɗa, ku tuku ktai; k’Alaw n’AMAI n’a ŋa midini afti paŋ lai.