Read Mousgoum Yama na wiini David 84 Bible Online

Yama na wiini David 84 - Mousgoum bible

Yama na wiini David 84

¹Yama na wiiɗi alini Kore, n’e tikiŋsi war maktuɓ zi yama na wiini abai na midini yama par, n’e ziniŋ gaini adill na wiini Gat.

²EPIƊ-ƊAI zi Spak paŋ, mu dara hlaiku zi sini gara.

³Gdaŋa a vada vat, tin bayai na mu baya aŋ co war pakatai na wiini tempel na wiini EPIƊ-ƊAI ɗa, sa gaini suŋfaɗi agula paŋ a dɗuula gaini firyi sin Alaw na karni.

⁴EPIƊ-ƊAI zi Spak, paŋ, pai na wiya, Alaw na wiya, zezek maa aŋ gai dalamni, muguɗi muguɗi lai aŋ gai gutni n’a mula alini warni, gobi ɵimaani gûwiŋ zi ɓaka na wiiku.

⁵Sleɗ midiɗi nagai n’e ɗa amlai war dalamku, ngai aga e kuuku kûreɗ-kûreɗ. Sela

⁶Sleɗ aŋ midiɗi nagai a gdaŋɗi ku tuku, n’e hiliɗi suku sek gaini hiini na pɗem.

⁷Won hlai n’e vgi li war huduk na wiini Ɓaka ɗa, e ɓiliti avai zi yem warni tiɓ, Faŋ n’a ɵa avut ɗa a viti gaini ɓiki lai.

⁸War hliɗi ɗa, gdaŋɗi a riya amai sek sek, haa e cû wuzani Alaw war Siyon.

⁹Epiɗ-ɗai Alaw zi Spak paŋ, ɵina siiwiŋa, jaga ɵimaku ma, Alaw na wiini Yakob, Sela.

¹⁰Tuku na ku gamar na wiyi, tala, mula arku arni ɗifku n’e mi emel n’e tiki ɗai war sda gaini midini ɗa.

¹¹Mefeŋ na ktai na mu zaŋ amlai war pakatai na wiini tempel na wiiku ɗa a suwa mefeŋ dubu na war hlai zamai ɗa. Mu vara aŋ ɗiya amlai war dalam na wiini Alaw na wiya, buri a na ara pɗem a suwa simni n’amlai war dalam na wiiɗi ɗai na maafanai ɗa.

¹²Buri Epiɗ-ɗai Alaw a futi, a gamar lai. EPIƊ-ƊAI a sa yim gaiɗi abai, nagai n’e piyi war jre ɗa, a siɗi wazagai na pɗamai paŋ.

¹³EPIƊ-ƊAI zi Spak paŋ, ɵeɗ midini ni n’a baya war tuku.