Read Mousgoum Yama na wiini David 88 Bible Online

Yama na wiini David 88 - Mousgoum bible

Yama na wiini David 88

¹Yama na wiiɗi alini Kore n’e tikiŋsi war maktuɓ zi yama na wiini abai na midini yama par, n’e ziniŋ gaini wule zi kwimi. Yama na wiini Henan, na Ezrahite.

²EPIƊ-ƊAI, Alaw na ku kurɗaŋa, Mu ɗuula girvudi gaini duvuk paŋ wuzani arku.

³A zuva ɓa, siiwiŋa a halaɗi haa suku ta, jaga ɵimaku min tûwiŋa jak.

⁴Buri ɓa suŋfaɗi agula a va tini gir ta, m’an na gobi min mri.

⁵E piɵiŋa na ɗa arbaɗi nagai n’eziɗi ktai war waŋ ɗik ɗa, mu bunda na ɗa mu ɗif na gdaŋni aŋ kai.

⁶M'an na gai feŋ waŋ arbaɗi zi mri, maiɗi ɗai n’e ɓiliɗi gaini kawai, n’e finiɗi azumai warni waŋ nɵa. M'an na maiɗi ɗai na muduku a wula gaiɗi marwai, n’arbaki a ɗukla daf ɗa nɵa.

⁷Ku waŋa azumai pin waŋ, war gegeŋ, war hlai na huduk,

⁸suwar na wiiku a sumna mada, ku sɗaŋa gir ara gaini maya na wiiku paŋ lai. Sela.

⁹Ku tkiɗi warɗi marmakaiya edi sa par, ku bundaŋa wuzni arɗi aŋ wala na hi-hir. Ma aŋ gai ɵi amlai ka, mu kiɗa mu niya anene kai.

¹⁰Ara n’amlai te tuura kok tin gir, EPIƊ-ƊAI, mu yikuku ma mefeŋ paŋ, mu yima ta na ɗa amai puku.

¹¹Ku za wazagai n’a bunda ɗif hiyak ɗa, buriɗi nagai zi mri ɗi? Sezeɗi ɗai zi mri ɗa a kiɗa a fakasi amai aŋ kuluku ɗi? Sela

¹²Azumai warni waŋ ɗa, e kiɗi e miɗi midini jreku ɗi? Azumai war hlai zi simni na wiiɗi zi mri ɗa, e kiɗi e miɗi midini ɗiyiku na jre ɗi?

¹³Sdaku n’abakai n’a bunda ɗif hiyak ɗa a sɗaŋ war gegeŋ ɗa siya ɗa? Jreku ɗa a siɗiti midini afti na wiiɗi ɗai na midiɗi a kɵa gaini wala kir kai ɗa asiya ɗa?

¹⁴Amma ta ɗa, mu ɗuuluku buri ku zina pa ku tuku, EPIƊ-ƊAI. Gorof par tar, siiwiŋa aŋ wuzani arku tar.

¹⁵EPIƊ-ƊAI, ku hogoŋa edi buri maɗa? Ku bunda arku edi sa par buri maɗa?

¹⁶M'an na war haw, suŋfaŋa a dara a wa edi, haa war agwiya par. Hunai na wuzaku ɗa, a sumna mada, mu sɗa wala na mu zaŋ ɗa kai.

¹⁷Yuvuguni hiyku ɗa a vuga mada, hunai n’abai na wuzaku ɗa a dogoŋa ma.

¹⁸A gunaŋa azumai mefeŋ paŋ maini yem nɵa, gai hlaini paŋ a gunaŋa amlai cup.

¹⁹Mara gaiɗi marmakaiya, ku tikiɗi warɗi edi sa par. A hina aŋ marmaiya ɗa a gegeŋ.