Read Mousgoum Yama na wiini David 91 Bible Online

Yama na wiini David 91 - Mousgoum bible

Yama na wiini David 91

¹Ni n’a ŋoya sini Alaw n’amai ɗa, aŋ pini sezeni Alaw zi spak paŋ.

²Mu muɗa gaini EPIƊ-ƊAI ɓa: Ni hlai zi ŋoyai na wiya, a ɵaga na wiya, a Alaw na wiya, na mu ɗiya yimiŋa midini.

³Buri ɓa a pluku edi min azaw na wiini ɗf zi ɵar par a ni, a kurɗuku edi min vlak na meefeŋ par ɗa a ni lai.

⁴Aga a ŋuyuku azumai pin baadani, ku nava hlaiku zi simni azumai pin graŋni, jreni ɗa, buriku a gamar n’abai, a safaya lai.

⁵Aga ku huna wala zi mili hunai pin ɗif na duvuk ɗa kai, ku huna ɓaraw na ruva girvudi ɗa kaalai.

⁶Ku huna vlak na hala war duvuk ɗa kai, veglek n’a diŋga n’a fuɗa ɗai girvudi ɗa kaalai.

⁷Koo ɓa ɗai e mri dubu ɗaw war graŋku na muni par, dubu doogo war graŋku na wus ɗa par lai kaw ɗa, wala ktai maa aga a za suku kai.

⁸Aga ku talaŋ gaini arku gadai. Vrak n’Alaw a siŋɗi wiiɗi na maafanai ɗa.

⁹EPIƊ-ƊAI, hlai zi ŋoyai na wiya ku tuku, yima Alaw n’Amai ɗa aŋ hlai zi ŋoyai na wiiku.

¹⁰Gir ktai maa aga a za suku kai, wala na meefeŋ ktai aga a gunasi sini dalamku kai.

¹¹Buri EPIƊ-ƊAI aga a sa miɗi wiiɗi ɗai zi ɵeŋ na war fuŋ n’Alaw, buri a giɗmuku war futiku paŋ.

¹²Aga e lubuku amai war tiɗi ɗaw, kapai azuku a daba sin ahi-fuŋ kai.

¹³Aga ku baza gurnai gaiɗi maakai, ku kirpa ahi-gurnai gaini wala meefeŋ n’abai lai.

¹⁴Alaw a muɗa: Buri ɓa a daraŋa gara, nɵa aga mu kurɗaŋ edi. Aga mu giɗimaŋ buri ɓa a sɗa yikiŋa ya.

¹⁵Na ɓa a tuwa li sa ɗa aga mu wiyini seŋ, ta lai aga mu za gaini war girni ɗa, aga mu plaŋ edi, mu sitini abai lai.

¹⁶Agz mu sini suŋfa na mogo, aga mu kurɗaŋ edi lai.