Read Mousgoum Yama na wiini David 92 Bible Online

Yama na wiini David 92 - Mousgoum bible

Yama na wiini David 92

¹Yama na wiini David na burini mefeŋ na wiini Sabat. Yama.

²A pɗem buri ɓa ɗif a kola EPIƊ-ƊAI, a pɗem buri e kûli yikuku gaini yama, Alaw n’Amai.

³Aŋ miɗi edi midini pɗemku gorof par tar, aŋ miɗi midini ɗiyiku na jre, duvuk duvuk lai.

⁴Aŋ kuluku gaini adill na sogomni doogo, gaini gaŋgraŋ lai, gaini tuwini adill lir lai.

⁵EPIƊ-ƊAI, sdaku na ku zaŋ ɗa, a saŋa firyi gara, mu ɗuula gaini firyi won hlai na mu tala sda na ku zaŋ gaini tuku ɗa.

⁶EPIƊ-ƊAI, sdaku ɗa abakai gara, hiiniku ɗa hulum gara lai.

⁷Ɗif na yel midini kai ɗa, a sɗa hanɗa kai, na tatala ɗa a sɗa wala ktai warni kaalai.

⁸Na ɓa ɗai na maafanai e wili maini evek ɵa, ɗai n’e zi meefeŋ e ɗa war muluk lai ɗa, ɓilki n’edi gamai ɗa a na biyiɗi.

⁹Amma tuku, amai war hlai n’amai ɗa, k’EPIƊ-ƊAI ɵa haa kureɗ.

¹⁰Buri ɓa gawku ɗa, EPIƊ-ƊAI, gawku ɗa aga e vidi edi, ɗai n’e zi meefeŋ ɗa e ɵiri edi ɵar.

¹¹Ku saŋa gdaŋ maini hiluw ɵa, ku maŋa emel na hehe mada lai.

¹²Ara a tiliɗi nagai n’e mili arɗi aza ca ɗa, ɵima ɗe a na ɵina seŋ na nagai n’e fiki amai sa e miɗiŋ ɗa.

¹³Na jrekai ɗa aga e wili maini hura nɵa, e bindi abakai maini luwuŋ Sedre na Liban ɗa nɵa,

¹⁴e ɗa gaini pi amlai war dalam na wiini EPIƊ-ƊAI, e wili war pakatai na wiini tempel na wiini Alaw na wiimu.

¹⁵Koo e zi walakai ɗi, e kiɗi e wii ɗaai, siyem aŋ siɗi, e guɗi gai guɗi.

¹⁶Kapai e miɗi edi ɓa EPIƊ-ƊAI a ɗikat, a huwuŋ na wiya, na meefeŋ warni kai.