Read Mousgoum Yama na wiini David 94 Bible Online

Yama na wiini David 94 - Mousgoum bible

Yama na wiini David 94

¹EPIƊ-ƊAI, Alaw na ku vurga meefeŋ ɗa, Alaw na ku vurga meefeŋ ɗa, siŋkasi suku edi warɗi abaiku.

²Fakasi amai, tuku na ku ziti sariya wiiɗi ɗai na midiɗi yai, kapai ku za siɗi na maafanai maini na nagai e ziŋ ɗa ɵa.

³EPIƊ-ƊAI ɗa, ɗai na maafanai hanɗa ɵa haa kaswata ɗa? Haa kaswata ɗa na maafanai aga e rɗi amai ɗa.

⁴E ɓiki sariya gara, e miɗi seŋ ɗa hormo warɗi kai, ɗai na maafanai hanɗa e kûli siɗi amai.

⁵EPIƊ-ƊAI, e ɗa ziɗi gir wiiɗi ɗaiku ɗa, e ɗa kirpi bulum na wiiku ɗa azumai.

⁶E fiɗiɗi falakai na war greŋ gaiɗi ɗai zi zak ɗa edi, e fiɗiɗi na huyokai ɗa edi lai.

⁷E miɗi ɓa: EPIƊ-ƊAI a na tala kai, Alaw na wiini Yakob ɗa a na ɵina kaalai.

⁸Tiki na yel miɗiki kai ɗa, ɵini pɗem! tiki na tatalakai, aga ki bindi yalakai kaswata ɗa?

⁹Ni n’a pa ɵime ɗa a kiɗa a ɵina kai ɗa, ni n’a ziziniti arai ɗa a kiɗa a tala kai ɗi?

¹⁰Ni n’a hitriɗi pinzibaɗi ɗai ɗa, a kiɗa a gidiɗi kai ɗi? Ni n’a sa siɗi wiiɗi ɗai ɗa?

¹¹EPIƊ-ƊAI a sɗa hiini n’aŋwarni ɗif, a sɗa ɓa a smer kadai meere.

¹²Sleɗ midini ni na ku hitraŋ ɗa, EPIƊ-ƊAI, ni na ku hitrini gadaiku zi ɗû ɗa.

¹³A kiɗa a sumna jam war mefeŋ zi gir ɗa, haa e ɓili waŋ siɗi ɗai na maafanai ɗa.

¹⁴Buri ɓa EPIƊ-ƊAI a hiniɗi ɗaini edi kai, a hina bulum na wiini edi kaalai.

¹⁵Aga e wiyi piɗi sariya ɗa katawai, e ziti war jre, nagai paŋ n’aguɗi hilu ɗa aga e zi pini.

¹⁶Ɗif n’aga a ɗiya pa par aŋ siŋka jeŋa edi ɗa asiya ɗa? Ɗif n’aga a faka amai siɗi ɗai n’e zi meefeŋ ɗa asiya ɗa?

¹⁷Na ɓa EPIƊ-ƊAI a nafu aŋ zinai na wiya kai ɗa, a na ta ɗa, mu na azumai war hlai n’e miɗi seŋ warni kai ɗa.

¹⁸Won hlai na mu muɗa li ɓa mu na kɵa ɗa, Pɗemku, EPIƊ-ƊAI a saŋa gdaŋ.

¹⁹Won hlai na hiini a suwa li mada ɗa, arai zi pi na ku saŋa ɗa, a vaŋa gaini firyi.

²⁰Ɗai zi ɗûkliti sariya na jrekai kai, e rgi gadai zamai na woɗ futini kai, e rgi ɗai gaini lai, ɗai hanɗa, muku aŋ gaiɗi ɗi?

²¹E tipi midini ɗif na jre ɗa, e rgi ɗif na tini aŋ war seŋ kai ɗa.

²²Amma EPIƊ-ƊAI a ɵaga na wiya, Alaw na wiya a huwuŋ na mu ŋoy sini.

²³EPIƊ-ƊAI aga a waya meefeŋɗi midiɗi, aga a doogo miɗi gaini meefeŋ na wiiɗi dama, Epiɗ-ɗai Alaw na wiyi aga a doogo miɗi.