Read Mousgoum Yama na wiini David 95 Bible Online

Yama na wiini David 95 - Mousgoum bible

Yama na wiini David 95

¹Ɗuulumu gaini firiyi burini EPIƊ-ƊAI, ɵiɓumu tumu pini Huwuŋ na kurɗumu.

²Hulumu wuzani aŋ zunumu tese, kuluŋmu gaini yama.

³Buri EPIƊ-ƊAI ɗa a Alaw n’abai, a pai n’abai n’a ŋa midiɗi alawai paŋ.

⁴Hulumni afti ɗa aŋ war tini, merfeŋni huwaŋai n’amai ɗa a wiini lai.

⁵Yem-ra n’abai ɗa a wiini buri ɓa a zaŋ ɗa a ni, afti ɗe a wiini, a zaŋ gai tini lai.

⁶Hilisi, hurgumu azumai, guɓumu azumai, pumu kurnaimu azumai wuzani EPIƊ-ƊAI n’a zumu.

⁷Buri a Alaw na wiimu, mu ɗumu ɗai na pin gɗamni, fara na ni an a ɵa wuzani ɗa lai. Na ɓa girna ki ɗa ɵini mini ɗa,

⁸Ki binditi agulki hiriyik, maini n’a Meriba ɵa kai, maini na war mefeŋ n’a za a Masa, edi war basga na kaɗataŋ ɗa ɵa kai.

⁹Woni, tamaiki e piyiŋa ma, e titimiŋa gaini seŋ, paŋ ktai e siɗi sda na mu zaŋ ɗa ya.

¹⁰Haa buza doogo doogo puɗu, pinziba hanɗa a baza ma ta, mu muɗa: E ɗi ɗai na yel midiɗi kai, e siɗi wala na mu firyaŋ siɗi par ɗa kai.

¹¹Nɵa war hiyŋa, mu ha waa ma mu muɗa: aga e niyi amlai war si n’amla na wiya duk kai zaŋ.