Read Mousgoum Yama na wiini David 96 Bible Online

Yama na wiini David 96 - Mousgoum bible

Yama na wiini David 96

¹Zini yama na hehe burini EPIƊ-ƊAI, Zini yama burini EPIƊ-ƊAI, tiki ɗai na midini afti paŋ.

²Zini yama burini EPIƊ-ƊAI, kûli yikini, Miɗi edi mefeŋ mefeŋ paŋ ɓa a ɗif zi kûrɗi ɗai,

³Miɗi edi midiɗi abaini, arbaɗi pinzibaɗi ɗai paŋ. Miɗi midini sdani n’abakai arbaɗi ɗai.

⁴Buri ɓa EPIƊ-ƊAI ɗa a abai, sababni ɗa a suwa alawai na zamai ɗa paŋ.

⁵Buri ɓa alawai na wiini pinziba na zamai ɗa, a alawai na jre kai, amma, a za hlai n’amai ɗa a EPIƊ-ƊAI.

⁶Ñili gaini juf aŋ wuzani arni, spak gaiɗi abai a na amlai war hlaini na sɗik.

⁷Pinziba na midini afti paŋ, sini kol wiini EPIƊ-ƊAI, miɗi edi midiɗi abaini gaini spakni.

⁸Sini kol wiini yikini EPIƊ-ƊAI, Kisi likeki, niyi amlai pakatai na wiini tempel ɗa.

⁹Hurgi azumai wuzani EPIƊ-ƊAI, won hlai n’a siŋkasi sini edi war sɗikni, Tiki ɗai na midiɗi yai paŋ, jiriyi wuzani,

¹⁰Miɗiɗi wiiɗi ɗai paŋ ɓa: Pai ɗa a EPIƊ-ƊAI, -buri nɵa, yai te ɗiya gdiŋi, te muguza kai- a zitiɗi sariya wiiɗi ɗai war jre.

¹¹A zuva ɓa, hlai n’amai ɗa a firya gara, yai te firya lai, a zuva ɓa, yem-ra n’abai ɗa a suura gaini wazagai na warni paŋ.

¹²A zuva ɓa basga gaini wazagai a warni paŋ ɗa a firya, a zuva ɓa, luwoŋai n’arni jur ɗa a ɗuula gaini firyi lai.

¹³Wuzani EPIƊ-ƊAI, buri a na gizi, buri a na halasi aŋ ziti sariya wiiɗi ɗai na midiɗi yai, aga a ziti sariya wiiɗi duniya war ɗikat, a ziti sariya wiiɗi ɗai war jreni lai.