Read Mousgoum Yama na wiini David 99 Bible Online

Yama na wiini David 99 - Mousgoum bible

Yama na wiini David 99

¹EPIƊ-ƊAI ɗa a pai! Ɗai e ziriyi wuzani, a sumna midiɗi Kerebimkai, afti paŋ a muguza.

²EPIƊ-ƊAI a na abai aha warɗi Siyon, a na amai midiɗi ɗai paŋ,

³Hina ɗai e kûli yikuku n’abai, n’a mula hunai piɗi ɗai lai ɗa, a na sɗik.

⁴Hiniɗi ɗai e tili e kûli spakni pai n’a firiya ɗiyi na midini gadai ɗa, -gadai na ta ta ɗa, ku diyaŋ ku tuku; Aha warɗi Izrayel ɗa, ku ɗiya midini zini na pini gadai na ta ta na ɗa, ku tuku. Ku ɗiya midiɗi sariya na jre na ɗa ku tuku lai.

⁵Kûli Epiɗ-ɗai Alaw na wiimu, hûrgi azumai wuzani ɓok n’a niya amai midiɗi Paramai sini ɗaw ɗa, a na sɗik.

⁶Arbaɗi paakai zi ɓaka ɗa, a Musus gaini Aaron, arbaɗi nagai n’e yiki yikini miɗi ɗa, a Samuwel lai. Nagai e siiwi tini EPIƊ-ƊAI, EPIƊ-ƊAI a wiyiɗi seŋ.

⁷A muɗa seŋ gaiɗi war ɗugul z'agiyiŋ par, e yimi gadaini zi ɗiyi, gaini gadai zi ɗû n’a siŋɗi ɗa.

⁸Epiɗ-ɗai Alaw na wiyi, ku wiyiɗi seŋ ku tuku, ku naka buriɗi ɗa, k’Alaw na ku haza tuwur edi, amma sdaɗi na meefeŋ ɗa, ku ziɗi gir pini.

⁹Kûli Epiɗ-ɗai Alaw na wiimu, hûrgi azumai wuzaɗi huwuŋni na sɗik, buri Epiɗ-ɗai Alaw na wiimu a na sɗik.