Read Mousgoum Seŋ joro 26 Bible Online

Seŋ joro 26 - Mousgoum bible

Seŋ joro 26

¹Kol n’a sa sini ɗif na tatala ɗa a juva kai, maini maɗai n’a wa afat nɵa, maini faŋ n’a ɵa war sartini hiɗi nɵa.

²Tusa na war jreni kai ɗa a kiɗa a sumna midini ɗif kai, maini zezek gaini muguɗi-muguɗi n’a ɗuufla amai arbani hlai ɗaw ɗa nɵa.

³Daɓala ɗa a na burini plis, eleŋze a na burini ablehö, amaraŋa ɗa a na burini duɓani ɗif na tatala ɗa lai.

⁴Ku wiyini seŋ wiini ɗif na tatala pini gɵibini kai, ɵa kai aga ku bunda suku maini ni ɵa lai.

⁵Ku wiyini seŋ wiini ɗif na tatala pini miɗini zi gɵibini ɗa, kapai a ŋa sini aŋ ɗif na yel kai.

⁶Ɗif n’a sikta mini ɗif na tatala ɗa, a ɗukla na ɗa ezini dama, a ka sini na ɗa mini gir n’abai.

⁷Seŋ joro na mini ɗif na tatala par ɗa a na huruf, maini ezini ɗif na daŋlaŋ ɗa nɵa.

⁸Ku kola ɗif na tatala ɗa, aŋ maini na ku rgiti kirnai mini viliyu ɓak ɗa.

⁹Seŋ joro na mini ɗif na tatala par ɗa a na maini, hedek n’aŋ tini ɗif zi ciini yaw ɗa nɵa.

¹⁰Ɗif n’abai n’a tika ɗif na tatala war sda, zaw n’a tika ɗif n’a na vuga n’a halasi li sini paŋ ɗa, a tuura na ɗa a hiiniɗi ɗai paŋ.

¹¹Ɗif na tatala a waya pini gɵibini maini, hirge n’a waya midini hunvani ɗa nɵa.

¹²Ku nava li ɗif n’a tala sini yel gara ɗa, na ɓa ku pɵa midini ɗa, marya pɵa midini ɗif na tatala ɗa.

¹³Ɗif na malam a muɗa: Wala na buza na tuwur a na anene warɗi futi, gurnai aŋ warɗi futi.

¹⁴Ɗif na malam ɗa a bunda midini lini maini, port n’a guna sini kadre n’e pini sini nɵa.

¹⁵Ɗif na malam a wa tini war tasa, amma wiyi n’amai mini sek ɗa a tala arni gir.

¹⁶Ɗif na malam ɗa a tala sini yel gara, a sûwiɗi ɗai zi siɗi muguzak n’e wiyi seŋ gaini hiini ɗa.

¹⁷Ɗif n’a na vuga n’a wa sini war hiy n’a talaŋ kai ɗa, a maini ɗif n’a yima ɵimani hirge ɗa.

¹⁸Ɗif n’a rhiɗi marni, asakal par a miɗiɗi ɓa: Mu muɗa a seŋ zi dawaŋ kadai ɗa; a kata gaini ɗif zi ɗûûli n’a poko luwuŋ na gaini afu mini ɵimani puk puk, n’a ɵiɓa gaini ɓaraw, n’a bla ɗai gaini wazagai zi fiɗi ɗai lai.

²⁰Na ɓa luwuŋ aŋ kir kai ɗa afu ɗa a mra su, na ɓa ɗif n’a muɗa meefeŋ siɗi marni aŋ kir kai ɗa, hiy ɗa a tika azumai ta.

²¹Eveŋ ɗa a riya yûvûgûni afu ɗa amai, luwuŋ ɗa a yima afu amai, ɗif n’a firiya sispai ɗa a riya hiy amai lai.

²²Miɗi na maafanai na siɗi ɗai ɗa a na maini simi na pɗamai nɵa, a niya haa edi pini amur-si.

²³Seŋ na pɗamai n’a niyasi edi war mini ɗif na warni meefeŋ par ɗa, aŋ maini arzaŋ na gaini hiliya kai n’e diɓigiŋ sini grak z'afti ɗa nɵa.

²⁴Ɗif n’a dara marni kai ɗa, a muɗa a seŋ na kiini, amma amlai warɗi agulni ɗa a seŋ zamai.

²⁵Koo ɓa a muɗuku gaini wûle na pɗem tekeɗeɗi, ku yima pini kai, buri ɓa gulni ɗa t'aŋ vi gaini hiini na maafanai.

²⁶A kiɗa a za yel, a ŋoya hiinini zi gaw ɗa cok, amma meefeŋ na wiini ɗa aga a siŋka edi wuzaɗi ɗai na doogo ɗa paŋ.

²⁷Ni n’a ɓla waŋ ɗa aga a kɵa warni, na likita ahi-fuŋ, ahi-fuŋ ɗa aga a waisi a kɵasi midini.

²⁸Ɗif z'eles ɗa a firiyi ɗai n’a na ɓiliɗi gaini seŋ ɗa kai, ɗif na mini nem ɗa a vuduku edi vad.