Read Mousgoum Seŋ joro 4 Bible Online

Seŋ joro 4 - Mousgoum bible

Seŋ joro 4

¹Aliya, ziɓiri gadai na wiini api ɗa, tiki hangalki ta aŋ piyi siɗi.

²Buri ɓa mu siki na ɗa a hitri na pɗem, ki hini wazagai na mu hitrinki edi kai.

³Ta lai, mu naka m’ahi na apa a daraŋa, ama te daraŋa gara maini ahi na ketekeɗik nɵa.

⁴Apa a hitraŋa ɓa: Ku yima seŋŋa muduku pɗem, ku za pini gadaiŋa na mu suŋku lai, aga ku sumna karku.

⁵Paya yel, paya siɗi, seŋ na mu mɗunku ɗa, ku wula muduku gaini kaalai

⁶ku hina yel ɗa edi kai, aga a guɗumuku, ku daraŋ aga a kutuku mini meefeŋ par lai.

⁷Pi zi tiki na wiini yel ɗa a hanɗa: Paya yel, koo na ɓa ku ɓa wazagaiku paŋ ɗi, paya siɗi.

⁸Yima yel ɗa amlai suku, aga a suku rɗi n’amai, Kɵa amai wulani, aga a zuku aŋ ɗif n’abai.

⁹Aga a puku wala zi gaŋ na juf muduku, a putuku bogorai na juvi muduku lai.

¹⁰Ahiya, zuɓura seŋŋa ɗa, yima seŋ na mu na hutrunku ɗa, mefeŋku na warɗi yai ɗa aga a riya amai.

¹¹Mu huturutuku futi na wiini yel, mu sukunutuku futi na wiini jre ɗikat lai.

¹²Nɵa ku hala ɗa a hili maa wala ktai n’a huyuku aŋ kai, ku lawa ɗa a luwi maa azuku a ɵirɓa kaalai.

¹³Gadai na ku navaŋ ɗa, yimaŋ tuku gdaŋ, ku hinaŋ edi kai, ku giɗimaŋ pɗem buri ɓa a sunfaku tar.

¹⁴Ku tika futiɗi ɗai na maafanai kai, ku ɵa piɗi nagai n’e zi meefeŋ kaalai.

¹⁵Hiniti futiɗi edi, ku vuga warɗi kai, ku niya warɗi kai, ku vuga edi ɗaw.

¹⁶Buri ɓa ɗai hanɗa, na ɓa e zi meefeŋ kai ɗa, e kili weseŋ kai, e zini meefeŋ wiini ɗif kai ɗa, weseŋ aga arɗi kai.

¹⁷E simi na ɗa gaini meefeŋ n’e ziŋ ɗa, vin n’e cini gaini na ɗa a na wiini karai ɗa lai.

¹⁸Amma futini ɗif na jre ɗa te na maini gaglai na wiini hlai na rum rum n’a riya amai sek sek hlai na futi te yimasi amai ɗa nɵa,

¹⁹Amma futiɗi ɗai na maafanai ɗa a gegeŋ, e siɗi wala na eziɗi aga a daba sini ɗa kai.

²⁰Ahiya, tika hangalku sini seŋŋa ɗa, zaga ɵimaku mini miɗi na mu muɗuŋku ɗa.

²¹Ku hinaŋ a wula edi muduku par kai, ku yimaŋ muduku pɗem.

²²Buri ɓa buriɗi nagai n’e niviŋ ɗa, a suŋfa lai, a jam na wiini amur-si lai.

²³Ku za hangal gaini wazagai na ku hiinaŋ amlai warɗi agulku ɗa, buri ɓa suŋfa ɗa a na pini hanɗa.

²⁴Seŋ zi viiɗi ɗa, ku hinaŋ war muku kai, ku muɗa seŋ na meefeŋ siɗi marku kaalai.

²⁵Ku pa arku azumai wuzani maiku kai, ku mula arku wuzaku cir war jre.

²⁶Ziziniti futi n’aga ku hala warɗi, a juva ɓa, futi na ku hala warni ɗa, a futi n’a kiɗa a kuku.

²⁷Ku viiɗa nsek kaalai nzaw kaalai, ku yima suku edi sini meefeŋ par.