Read Mousgoum Seŋ joro 8 Bible Online

Seŋ joro 8 - Mousgoum bible

Seŋ joro 8

¹A yika na ɗa a yel kai ɗi? A wa na ɗa a wulani siɗi kai ɗi?

²A ɗiyasi amai merfeŋni huwoŋai n’a na ɵimani futi par, war dagrani futi par lai,

³a ɗulasi mini magalani fuŋ n’abakai par, war futi na ɗai e vigi woni ɗaw ɗaw paŋ maini nɵa:

⁴Ɗai murɗakai, mu yikiki na ki ɗi tiki, mu miɗiki na wiiki tiki paŋ.

⁵Tiki na gaini ŋiyi kai ɗa bindi yalakai, tiki na tatalakai, bindi aŋ ɗai zi siɗi.

⁶Slini pɗem, na mu miɗiŋki na ɗa a seŋ na gaini futini tar, seŋ na ma par ɗa a jre ɗa mal tar.

⁷Buri ɓa ma a muɗa ɗa a jre, seŋ zi miɗi z'eles ɗa a tala ara aŋ wala na hi-hir,

⁸Seŋ na ma par paŋ ɗa a jre, rhai warni kaalai, seŋ zi viiɗi warni kaalai,

⁹a na gaglai buriɗi nagai n’e kiɗi e ɵini ezini seŋ ɗa, a jre buriɗi nagai zi siɗi ɗa lai.

¹⁰Ki piyi hitrai na wiya ɗa a suwa arzaŋ, ki piyi siɗi na wiya ɗa a suwa or na gaini futini.

¹¹Buri ɓa yel ɗa, wûrini ɗa a suwa aidaw na wûrini abai ɗa, wala zamai na ɗif a daraŋ n’a kata gaini aŋ kai.

¹²Ta yel ɗa, mu ɓurwa gaini hiini zi yel ɗa kai, mu za wala paŋ gaini hiini.

¹³Hormo na sini EPIƊ-ƊAI ɗa a bilini-gaw na sini meefeŋ, kûlini-si, zilini-si n’amai, futi na mafuni, gaini seŋ zi viiɗi lai ɗa, mu daraŋ kai.

¹⁴Sini gadai gaini yel ɗa a sda na wiya, ta mu siɗi ɗa mal, spak mu saŋ muta lai.

¹⁵Paakai e ŋi na ɗa barkana ta, n’abakai e ɗiyi gadai na pɗamai na ɗa barkana ta lai.

¹⁶N'abakai n’e ɵi wuze e ŋi na barkana, n’abakai gaiɗi nagai n’e ɗûkliti sariya midini afti ɗa paŋ lai.

¹⁷Ta, mu diriɗi nagai n’e diriŋa, nagai n’e ɗa piyiŋa ɗa aga e niviŋa lai.

¹⁸Farai gaiɗi abai ɗa mu saŋ muta, der n’a vada edi kai gaini riyi n’amai ɗa, mu saŋ muta lai.

¹⁹Na mu siŋki ɗa a suwa or, or na gaini futini ɗa, a suwa arzaŋ na gaini futini ɗa lai.

²⁰Mu na hala war futi na jre, war futi n’agogoi na ɗai e zi pini gadai warni ɗa,

²¹aŋ siɗi der wiiɗi nagai n’e diriŋa

²²EPIƊ-ƊAI a rgaŋa avut, wuzani wazagai na gamai par paŋ.

²³A varaŋa haa gamai par, war pi zi tiki par, wuzani hlai na yai te tika piɗi kai hai.

²⁴Mu na ɗa wuzani hlai na yem-ra n’abakai a tika pini kai ɗa par, wuzani hlai, na hlai na yem a liwasi warni par a nafu kai hai lai.

²⁵Wuzani hlai na huwoŋai a diyasi amai midini afti, gaini boŋorai lai, ta mu wa ya,

²⁶Won hlai ni ɗa, yai te za kai hai, basga a za kai hai, afti n’a ziti yai gaini nɵa ɓles maa a za kai hai.

²⁷Won hlai n’a za hlai n’amai ɗa, ta mu nafu, Won hlai n’a yima warni ɗugul amai midini yem-ra n’abai,

²⁸Won hlai n’a mulasi ɗugul zi faŋ ɗa amai par arbani hlai, na yem zi liiwi n’azumai pini yem-ra n’abai par a cirɗasi amai gaini gdaŋni,

²⁹Won hlai n’a siŋkini hlai wiini yem-ra ɓa aga a ɗiya woni ta, kapai yem a suwasi edi midini kai, Won hlai n’a tora eziɗi yai ɗa azumai ɗa.

³⁰Mu nafu gaini maini abaini sda hanɗa, mu vini firyini amai mefeŋ paŋ, mu ɵini dawaŋ mini mefeŋ paŋ,

³¹Mu ɵa dawaŋ midiɗi yai, midini afti na wiini, firyiŋa a va amai arbaɗi ɗai murɗakai.

³²Tiyana ɗa aliya, ɵini pɗem, ɵeɗ midiɗi nagai n’e tikiti futiŋa ɗa!

³³Ki yimi gadai na mu siŋki ɗa, kapai ki bindi aŋ ɗai na yalakai, ki yimiŋ aŋ wala na kadai kai.

³⁴Sleɗ midini ni n’a zuɓura seŋŋa, n’a yiva mini hlaiŋa ɵa dam, n’a sumna ezini porte dam aŋ giɗima mini hlaiŋa ɗa!

³⁵Buri ɓa ɗif n’a navaŋa li ɗa, a nava ɗa a suŋfa, a nava ɗa a yum n’arni EPIƊ-ƊAI lai.

³⁶Amma n’a navaŋa kai ɗa a za meefeŋ wiini sini dama, nagai n’e diriŋa kai paŋ ɗa e firiyi ɗa a mri.