Read Mousgoum Ɗif zi ɓiki seŋ 11 Bible Online

Ɗif zi ɓiki seŋ 11 - Mousgoum bible

Ɗif zi ɓiki seŋ 11

¹Sla suku agoɗom mefeŋ ktai ɗa aga ku nava arsukku ɗa.

²Sa tuku edi wiiɗi ɗai kiiɗi kiiɗi viya, buri ku sɗa gir n’aga a halasi midiɗi yai ɗa kai.

³Na ɓa ɗugul zi faŋ a bla li amai ɗa, a ɵa faŋ midiɗi yai; na ɓa luwuŋ a kɵa amai sek, azumai sek, hlai n’a kɵa woni ɗa a hina woni su.

⁴Ɗif n’a huna hlai smer ɗa a suuɗa kai, n’a huna faŋ ɗa a haɗa kaalai.

⁵Maini na ku sɗa futini suŋfa kai, rgini ahi n’amlai war gutɗi muni kaalai na ɵa ɗa, nɵa sdani Alaw n’a za wazagai paŋ ku kiɗa ku sɗaŋ kaalai,

⁶Gorof par tar ku bla seyemku azumai, koskoi ɗa ku za wala zamai ta lai, buri ku sɗa n’aga a nava arbani na sulu kai; zaw aga za gaini sulogoini paŋ ɗe ɗa.

⁷Gaglai ɗa a wala na pɗem, arai te firiya Won hlai na te tiliti futi.

⁸Na ɓa ɗif aga za buza viya a zuva ɓa a firiya warni paŋ, amma aga a wula midini kai ɓa mefeŋ zi gir aga a za viya, wala n’aga a za paŋ ɗa a meere kadai.

⁹Gawla, firiya warɗi gawlaku, agulku a firiya war hlai na ku na agwi hai, za maini na ku hiinaŋ ɵa, maini n’a tala arku pɗem ɵa lai. Amma, ku yimaŋ muduku ɓa, buri hanɗa paŋ ɗa, Alaw aga a zutuku sariya.

¹⁰Ku ziɗi gir wiiɗi agulku kaalai, wiini neŋ-suku kaalai, buri ɓa gawla gaini buza na wiini ayir na murɗek ɗa a meere kadai.