Read Mousgoum Ɗif zi ɓiki seŋ 6 Bible Online

Ɗif zi ɓiki seŋ 6 - Mousgoum bible

Ɗif zi ɓiki seŋ 6

¹Mu tala wala zamai na meefeŋ ktai midiɗi yai, a meefeŋ n’abai gara buriɗi ɗai paŋ.

²Ɗif ktai ɗa Alaw a sini farai, der zamai zamai gaiɗi abai lai, wala n’a firiyaŋ n’a navaŋ kai aŋ kai, amma Alaw a sini yel aŋ suma warni par kai, a sumaŋ ɗa a ɗif n’edi par: Hanɗa kaw a meere kadai, a wala na meefeŋ n’a fuɗa si gara.

³Ɗif zamai ɗa a wa ali miya ɗaw, a za buza viya lai, amma gaini mefeŋni n’a zaŋ viya paŋ tekeɗeɗi haza na mini a va amai kai, a zizina waŋ na pɗem burini kai. Mu hiina ɓa: Ahi n’e sirɓiŋ edi maa a suwaŋ gaini barka.

⁴Buri ɓa a halasi warɗi yai kadai meere, Warɗi yai par a waya war gegeŋ, yikini a saha arbani hlai kadai nɵa.

⁵A tiliti futi maa kai, a siɗiti kaalai, si n’amla na wiini a suwa na wiini ɗif n’a fana viya ɗa.

⁶Koo ɓa a za fu na buza dubu dubu azi sulu ɗi, a siɗa fu nemɗi yai ɗa kai ɵa, wazagai paŋ ɗa a hala fu na war hlai ni ktai kai ɗi?

⁷Sda na ɗif a zaŋ paŋ ɗa a na buri mini, paŋ ktai mini a va kai.

⁸Ɗif zi yel ɗa a suwa zi dûûli ɗa gaini a maɗa? Ɗif na haw n’a paya payai na pɗem wuzani arɗi ɗai ɗa nafani ɗa a ma lai ɗa?

⁹Wala na arku sini sa ɗa, a suwa na hiiniku a suŋku ɗa, hanɗa kaw meere kadai, a luwi na pini smer.

¹⁰Wazagai n’a naka paŋ ɗa, a nava yiki paŋ, nɵa mu suɗumu wala n’e yikiŋ ɓa ɗif ɗa, ni a kiɗa a za sariya gaini ɗif n’a suwaŋ gaini spak kai.

¹¹Won hlai na mu muɗumu seŋ viya, seŋ n’a nava kai ɗa arni viya lai, na ɗif a nava warni tiɓ n’a ma ɗa,

¹²N'a siɗa wala n’a na pɗem burini ɗif war simnini na warɗi yai ɗa asiya ɗa? War mefeŋni n’a nava kai n’a zaŋ warɗi yai, n’a na vuga maini agiyiŋ nɵa na ɗa? N'aga a siŋkini wala n’aga a vuga duɓani sek midiɗi yai ɗa asiya ɗa?