Read Mousgoum Yama n’a suwa yama paŋ 2 Bible Online

Yama n’a suwa yama paŋ 2 - Mousgoum bible

Yama n’a suwa yama paŋ 2

¹Ta mu fler na war hlai na plas na Saron, mu miye na war huduk.

²Marmaya te na arbaɗi ɓulamai ɗa maini miye n’arbani luwuŋ zi hedek nɵa.

³Marmaya arbaɗi gawlakai ɗa, a na maini luwuŋ zi pom nɵa, pini sezeni, mu sumna maini na mu dara nɵa, alini ɗe a luma maa pɗem lai.

⁴A kaŋa war hlai zi ci ta, a ɗo wala amai mada ɓa "diri".

⁵Kiŋasi gato n’e ziŋ gaini ali luwuŋ zi vin, zinisi pa gaini alini luwuŋ pom lai, buri ɓa diri a zaŋa veglek ta.

⁶Tini na ktai ɗa azumai pini mada par ta, na ktai te cakasi amlai sini sek gdaŋ lai.

⁷Ɓulamai na Yeruzalem, mu siiwiki, ki zi barka gaiɗi wudrai gaiɗi buryumi na buza zaŋ; ki ɵiyiti amai kai, ki ɵiyiti na na te daraŋa gara ɗa amai kai, wuzani hlai na diriɗi a vasi amai kai hai ɗa.

⁸Mu ɵina vugumni ezini marmaya ɗa, a na halasi a na, a pra amai midini huwaŋai ɗaw, amai midini boŋorai ɗaw,

⁹marmaya ɗa, a na maiɗi wudrai nɵa, zaw maiɗi ahiɗi biryumi nɵa. A niŋ zaw na, a ɗiyasi duɓani hlaiyi par zaw, a talasi arni fenetir ɗaw, a guliyasi arni, arni kawakai n’arni ɗaw.

¹⁰Marmaya a zina yama, a muɗaŋa ɓa: faka amai, tuku marmaya, marmaya na zûvi, halasi wiiku.

¹¹Buri ɓa amsai te na vuga, faŋ ɗa a ɗiya zaw, a na ɵa kir kai.

¹²Mu tulumu fler a na diya midini aftimu, mefeŋ na wiini yama a na gizi, mu ɵunumu tuwiɗi mokokrai a wa midini aftimu.

¹³A lini luwuŋ Fige n’avut ɗa a na naiya, fler na wiini luwuŋ zi vin ɗa lugosni a wa edi, marmaya, fakasi amai, marmaya na juvi, halasi wiiku.

¹⁴Marmaya na siɗi agula na k’aŋ gaini ŋûyi cok sini huwuŋ, na k’aŋ war huduk n’eziɗi huwuŋi na gaini zigi zak ɗa, yimasi arku anene ara kaiya, mu tukuku ɓa, muɗa seŋ agwi mu ɵina wulaku ɓa lai, buri ɓa wulaku a muɗa pɗem, arku ɗe a wa juf lai.

¹⁵Yimumusi huuɗi ɗa, alini huɗi n’agogoi n’a tuura zardeŋ zi vin hanɗa, buri ɓa luwuŋ zi vin na wiimu a na cifiya.

¹⁶Marmaya ɗa a wiya ta, ta mu wiini lai, a giɗima farani arbani miye.

¹⁷Haa hlai na smer na koskoi a vuvuwa ta ɗa, na seze paŋ a tika pini aŋ giha lai ɗa, tuku ku waya duɓaku, marmaya, za suku maiɗi wudrai, maini ahiɗi biryimi, n’amai midini huwuŋ Beter nɵa.