Read Mousgoum Yama n’a suwa yama paŋ 4 Bible Online

Yama n’a suwa yama paŋ 4 - Mousgoum bible

Yama n’a suwa yama paŋ 4

¹Ku suwa juvi gara, marmaya, ku suwa juvi gara, amlai par pini sapa n’arku bar ɗa, arku a gidiyasi ɗai suku maini zufni dere nɵa. Ayir na muduku murɗakai maini ayirni farani haakai, n’a niyasi amai sini huwuŋ Galaad par nɵa.

²Sesiyeŋku ɗa muɗokokai maini ayirni farani adumai n’e miŋsi edi kapai e ɗûkli ayirni edi nɵa, adumi paŋ gaini maiɗi miɗi, ktai na maiɗi miɗi kai t'aŋ kai.

³Muku ɗa a na maini sogom na mekele hiira nɵa, seŋ na muku par ɗa nem gara, galaiku a sɗasi mekele amlai par pini sapa n’arku bar ɗa, maini grenade na gaini ɓisi arba ca nɵa.

⁴Wulaku ɗa a na maini poriyo na wiini David nɵa, n’a rga buri wazagai zi gaw, gamar dubu ɗaw a na amlai warni lew lew, nafarni wazagai zi hatam na wiiɗi ɗai na agulɗi a huna kai ɗa paŋ aŋ warni lai.

⁵Fiyaw na muku ɗa a na maiɗi aliɗi biryumi sulu, maiɗi aliɗi wudrai sulu, n’a suma arbani miye nɵa.

⁶Haa hlai na smer na koskoi a vuvuwa ta ɗa, na seze a tika pini a giha lai ɗa, aga mu hala amai siɗi huwuŋ zi mir, sini boŋor na wiini wala zi ɗûgûdi zi lûgûzi lai.

⁷Ku suwa juvi gara, marmaya, tirki suku kai!

⁸Marmaya zi tiki, hinitisi Liban ɗa halasi gaya, hinasi hlai zi huwuŋ na Liban ɗa, halasi gaya; amai merfeŋɗi huwuŋ Amana par mulasi arku azumai, amai merfeŋɗi huwuŋ Senir gaiɗi huwuŋ Hermon par yimasi suku edi, buri hanɗa a hlai zi simni na wiini gurnai gaini na wiini ahraw.

⁹Tawala, marmaya zi tiki, hangala a pra edi puku su, arku na ku nŋa zibid ɗa lai, aiduwi na wulaku lai ɗa a pra hangala edi su.

¹⁰Tawala, marmaya zi tiki, lilimi na ku na lelemaŋa ɗa a fakaŋa sa amai gara, lilimi na ku na lelemaŋa ɗa pɗemni a suwa vin, lugosni yitirku ɗa pɗem a suwa yitir na zamai ɗe paŋ!

¹¹Marmaya zi tiki, muku ɗa a seseɓa ma nem maini emelni ami nɵa, emelni ami gaini fiyaw a na azumai piɗi alsiku, lugosni sapa na suku a na maini lugosni luwuŋ na Liban ɗa nɵa.

¹²Tawala, marmaya zi tiki, kutu ku vuwai na gaini hiri amlai har, ku kiliŋi na gaini ɵi kaa, na wiya ta pal!

¹³Ku tala juvi maini luwuŋ na war paradis nɵa, na alini luwuŋ na pɗamai paŋ a diya woni, maini luwuŋ henne gaini luwuŋ nard,

¹⁴luwuŋ nard gaini luwuŋ safran, luwuŋ Kanel gaini luwuŋ sinamom, gaini pinzibani luwoŋai zi ɗûgûdi zi lûgûzi paŋ: luwuŋ mir gaini luwuŋ alowes, gaini wazagai zi lûgûzi na pɗamai gara paŋ lai.

¹⁵Mu kiliŋi zi yem na war zardeŋ, mu yem n’a kasi amai par siɗi huwuŋ na Liban,

¹⁶Fakasi amai, smer na war gal n’azumai par, halasi, smer na war gal n’amai par, vuvuwa warni zardeŋŋa ɗa, kapai a sa lugosni na pɗem edi, tuku marmaya a halasi wiiku warni zardeŋku ɗa, luma alini luwuŋ na pɗamai n’a daraŋ kiɗi.