Read Mousgoum Yama n’a suwa yama paŋ 7 Bible Online

Yama n’a suwa yama paŋ 7 - Mousgoum bible

Yama n’a suwa yama paŋ 7

¹Waiasi, wayasi, tuku Sulamit, wayasi, wayasi mi tuluku! ki tiliti Sulamit na maɵa maɵa ɗa, hiliɗi maiɗi muni na te na dedema gaini marmaiɗi nɵa.

²Azuku, war harabakku ɗa a tala juf gara, mairam! wuzaku n’a rga ɗa maiɗi aiduwi na ɗif zi kilɗi wazagai a ziziniti nɵa.

³Pini digirku ɗa te kup na vin pɗem a ɓurwa gaiɗi kai. Warku ɗa a algama na gaini pi amai tiɓ, na gaini gûni azumai gun gaini miye nɵa.

⁴Fiyaw na muku ɗa a na maini aliɗi buryimi sulu, maiɗi aliɗi wudrai sulu nɵa.

⁵Wulaku ɗa a na maini poriyo na gaini sesiyiŋni pekne nɵa, arku ɗa a avakai na Hesbon n’a na gobi ɵimani mini magala na Bat-Rabbim. Merfeŋku ɗa maini poriyo na Liban ɗa nɵa, maini ɗif zi giɗimi n’a ɗiyasi arni aha siɗi Damas nɵa.

⁶Muduku amai kai maiɗi huwuŋ Karmel ɗa nɵa, ayir na mogokai na muduku ɗa a ŋala maini or n’a za wel li ɗa nɵa, pai ktai aŋ gaini ɵiwi mini ɵew.

⁷Ku suwa juvi gara, ku juva arɗi ɗai paŋ, marmaya na mu duruku gara, tuku na ku vaŋa firyiŋa amai gara.

⁸Rgiku na ku rga ɗa a na maiɗi luwuŋ tumur nɵa, fiyaw na muku ɗa a na maini smulɗi nɵa lai.

⁹Mu hiina ɓa mu niya amai siɗi luwuŋ tumur ɗa, mu yima ta sini smulɗi ɗa yaw. A zuva ɓa fiyaw na muku a bunda buriya aŋ smulni luwuŋ zi vin nɵa, lugosni smer na merfeŋku par maini na wiini pom nɵa lai.

¹⁰Seŋ na muku par ɗa a za a vin na pɗem, Nkam, a vin na pɗem na mu giɗimiŋni wiini marmaya na mu daraŋ gara, a ka miyi Won hlai na mi ɗa kili weseŋ.

¹¹Ta, mu wiini marmaya, ni ɗe a daraŋa muta lai.

¹²Halasi marmaya zi diri, tukumu morkoi edi basga sek agwi, mu funumu war fuŋ n’agogoi.

¹³Gorof par cup ɗa, mu hulumu edi war zardeŋ zi vin ɗa, mu tuluŋmu haw a na goɗa ɗi ɗa, cifiyini ɗa a na mala edi ɗi ɗa, luwuŋ grenade ɗa a na civiya ɗi ɗa, woni aga mu lulumuku.

¹⁴Alini luwuŋ n’a faka si amai ɗa a wa lugosni edi, alini luwoŋai na pɗamai paŋ aŋ mini hlaimu, na hahakai gaini na walakai paŋ, mu guɗumunku na ɗa wiiku tuku, marmaya zi diri.