Read Mousgoum Yama n’a suwa yama paŋ 8 Bible Online

Yama n’a suwa yama paŋ 8 - Mousgoum bible

Yama n’a suwa yama paŋ 8

¹Hai, ku nafu aŋ tawala fas ɗa, n’a ca fiyaw na wiiɗi ama mal ɗa! mu nuvumu marmu li anene ɗa mu kiɗa mu gubuku, ɗif a kiɗa a hiina wala na meefeŋ mada kaalai.

²Amma tiyana ɗa, aga mu ɵa wuzaku su, mu kuku amlai ahaɗi ama, aga ku hitraŋa midini feŋ ɗa, aga mu suku vin na pɗem aŋ ci, aga mu suku siyem na nem na wiini alini luwuŋ grenade lai.

³Tini na ktai ɗa azumai pini mada par ta, na ktai te cakasi amlai sini sek gdaŋ lai.

⁴Mu siiwiki, ki zi barka ɓulamai na Yeruzalem, ki ɵiyi diriŋa amai kai, ki hûwiyiŋ kai. Wuzani hlai na firyini a vasi amai kai hai ɗa.

⁵Muni na te na halasi edi war basga na kaɗataŋ par, na te ɵa siɗi amai sini marmaiɗi gak na te siya ki ɗi ɗa? mu ɵiyuku amai azumai pini luwuŋ zi fiki si amai, hlai na amuku te tika felku woni, hlai na te wuku woni lai.

⁶Duɓkaŋa siɗi agulku duɓak maini tampon nɵa, maini tampon ɵa duɓkaŋa sini graŋku, buri ɓa diri ɗa gdaŋni maini mri ɵa, diri n’a suwa li gara ɗa a zuku gir maini hlaiɗi ɗai zi mri nɵa, yûvûgûni maini afu n’a ya nɵa, maini alesni afu na wiini Alaw nɵa.

⁷Yem ra n’abakai a tika a fuɗa afuni diri kai, rakai a kiɗa a rɓaŋ kaalai. Na ɓa ɗif a sa wazagai na war dalamni paŋ aŋ wura diri gaini ɗa, a nava ɗa a miisi.

⁸Tawalyi t'agwi ɓa, fiyaw miɗi kai hai, aga mi ziti maɵa maɵa ɗa, na ɓa mefeŋɗi zi tiki a cosi li ɗa?

⁹Na ɓa te nafu aŋ zilaagai ɗa, aga mi rgi poriyo z'arzaŋ amai midiɗi, na ɓa te nafu aŋ porte ɗa, aga mi ɵi mini gaini luwuŋ Sedre lai.

¹⁰Ta mu zilaagai, fiyaw na maa ɗe maini poriyo nɵa lai, nɵa mu na wuzani arni maiɗi na na te kinisi pɗem nɵa.

¹¹Salmun aŋ gaini zardeŋ na wiini luwuŋ zi vin war Baal-Hamon, a saŋ tiɗi ɗai zi gɗam ta. Ɗif paŋ a kinisi sulai z'arzaŋ dubu ɗaw kapai a rawa alini luwuŋ ɵa.

¹²Salmun, sulaiku z'arzaŋ na dubu ɗaw ɗa wiiku ɗa a na, na miya sulu na wiiɗi ɗai zi gɗam ɗa a na lai, amma luwuŋ zi vin na wiya ɗa, mu giɗimaŋ muta mal.

¹³Tuku na simniku a na war zardeŋ, mara ɗa e firiyi ɓa e yimi na muku par ɗa, amma, seŋ n’aŋ muku ɗa ku muɗaŋa wiya.

¹⁴Pra wiiku edi, marmaya, za suku aŋ wudrai, aŋ ahiɗi biryimi, hala wiiku amai midini huwuŋ n’a sa lugos na pɗem ɗa.