Read Mousgoum Esaya 12 Bible Online

Esaya 12 - Mousgoum bible

Esaya 12

¹War mefeŋ ni ɗa, aga ki miɗi maini nɵa: EPIƊ-ƊAI, mi zuku tese, ku nafu gaini hiy siyi, amma tiyana hiyku a tika azumai li, ku na siyi arai zi pi.

²Hanɗa a Alaw na kurɗiyisi edi, mi hini siyi war tini, wala n’a miliyi hunai piyi aŋ kir kai, Buri EPIƊ-ƊAI, EPIƊ-ƊAI a gdaŋ na wiyi, a Sak na wiyi lai, A ni n’a kurɗiyi.

³Aga ki bili yem gaini firiyi war hlai a kûrɗi tikasi pini warni par.

⁴War mefeŋ ni ɗa, aga ki miɗi ɓa: Kûli EPIƊ-ƊAI, yiki yikini Siŋki sdani n’abakai edi arbaɗi pinzibaɗi ɗai, Sliɗi midiɗi ɓa yikini ɗa abai a suwa paŋ.

⁵Kûli EPIƊ-ƊAI gaini yama, buri a za wazagai n’abakai. A juva ɓa ɗai na warɗi yai paŋ e siɗiŋ.

⁶Tiki ɗai na Siyon, ɗuli gaini firyi, sûûri suura zi rɗi n’amai buri ni n’a na arbaki a abai, Alaw na sɗik na wiiɗi Izrayel.