Read Mousgoum Esaya 15 Bible Online

Esaya 15 - Mousgoum bible

Esaya 15

¹Miɗi na sini EPIƊ-ƊAI par midiɗi Mowab. Duvuk ktai te tuura edi, Ar-Muwab te ɓilki edi. Duvuk ktai te tuura edi, Qir-Mowab te ɓilka edi lai.

²Ɗai e hili a Baiit, a Dibon lai war hlai zi ɓaka aŋ tuwi; Ɗai na Mowab e ɗa tuwiɗi ɗai na Nebo gaiɗi na Madaba. Midiɗi ɗai paŋ gai fiɗɗi edi kafa, muɗugi na miɗi paŋ lai.

³War futini, ɗai e wi sapa zi tuwi siɗi, amai midini daba zi mili, edi war hlai na ɗai e tipi woni ta ta lai ɗa, ɗai paŋ e ɵi hama siɗi, e tuwi lai.

⁴Hesbon gaiɗi Elale e ɗuli, wulaɗi a wa haa a Yahas. Nɵa, ɗai zi hatam na Mowab e ɗûûli, gdaŋ warɗi kir kai.

⁵Agula te tuwa midiɗi Mowab: Ɗai ɗi e rûvi haa Soar, haa a Eglat-Selisiya. Buri ɓa e niyi amai siɗi Luhit war tuwi, warɗi futi na Horonaiim sek ɗa, e ɗûûli, ɗuwal zi gir;

⁶Yem na Nimrim a hiɗika li, evek a hula li, evek na hirnaŋ a tuura li, evek zi guɗi aŋ kir kai.

⁷Buri nɵa e mili wazagaiɗi n’a hina, e miliŋ tiɗi, e hili gaini anene duɓani ra na luwuŋ pepliye a diya woni ɗa.

⁸Afti na Mowab ɗa paŋ a va gaini tuwi, Tuwi na woni par a wa haa a Eglaiim A hala haa a Beer-Elim lai.

⁹Yem na Dimon aga a bunda mekele tin fel, aga mu ɵinasi gir zamai midiɗi Dimon pra, aga mu ɵinasi gurnai midiɗi ɗai na Mowab n’e kûrɗi ɗa, midiɗi nagai n’e hini midini afti ɗa.