Read Mousgoum Esaya 17 Bible Online

Esaya 17 - Mousgoum bible

Esaya 17

¹Miɗi na sini EPIƊ-ƊAI par na midiɗi Damas. Damas aga te hina aŋ fuŋ n’abai kir kai aga te bunda aŋ farani deeɓer.

²Fuŋ n’abakai na Arower aga a hina edi kadai, aga a hina edi wiini farai, wazagai n’ezini puɗu puɗu aga a fana woni, ɗif ktai n’a huwyaŋ aŋ kai.

³Zlaga zi ŋoyai na wiiɗi Efrayim ɗa aga a tuura edi, afti na wiini pai na Damas gaini piɗi ɗai na Siriya n’a hina lai aga a tuura edi lai. Spak na wiiɗi aga a suwa na wiiɗi aliɗi Izrayel ɗa kir kai. -A miɗi na sini EPIƊ-ƊAI zi Spak paŋ par.

⁴War Mefeŋ ni ɗa, spak na wiini Izrayel aga a faya, aga a hogo lai.

⁵Aga a za maini na ɗai zi hiɗi seyem e tipi seyem amai ɗa nɵa maini n’e miliŋsi graŋɗi yaw nɵa, maini n’e viri helek war huduk na wiiɗi Refaiitekai nɵa lai.

⁶Midini afti na Izrayel, wazagai aga a hina viya kir kai, afti aga a bunda maini luwuŋ Olive, n’e rûwi alini yaw nɵa. N'ali a hina amai merfeŋni sulu zaw hu ɗi sin graŋni n’ali sini viya ɗa a hina puɗu zaw ɵim ɗi nɵa. A miɗi na sini Epiɗ-ɗai Alaw na wiiɗi Izrayel par.

⁷War mefeŋ ni ɗa, ɗif aga a mula arni sini Ni n’argaŋ, aga a bunda arni sini Alaw na Siɗik na wiiɗi Izrayel.

⁸Ɗif aga a mula arni sini gûwiŋ zi ɓaka, n’a za gaini tini ɗif kir kai, aga a mula arni sini wazagai n’ali tini a zaŋ ɗa kaalai: maini luwuŋ zi pi z'alaw, gaini wazagai n’e yi wazagai zi ɗûgûdi zi lûgûzi warni lai.

⁹War mefeŋ ni ɗa, fuŋ n’abakai zi ɵaga na war Izrayel paŋ, aga hina edi kadai su su, maini jur, gaini merfeŋni huwaŋai n’amai a hina edi kadai su su wuzaɗi aliɗi Izrayel ɗa nɵa, hlai paŋ aga a tuura edi.

¹⁰Izrayel, muduku a wula gaini Alaw n’a kurɗukusi edi, ku hina muduku aŋ kɵa kai, gaiɗi huwuŋ zi ŋoyai na wiiku. Buri nɵa ku pa luwoŋai na juvai azumai, ku bla seyem n’edi par arni afti lai.

¹¹Mefeŋ na ku paŋ azumai warni ɗa, a wula amai arku sini nɵa ca, dawaini tar ɗa, ku talaŋ a na cuviya. Amma hiɗini n’aha a za kir kai, burini veglek. Veglek hanɗa, kurgumni aŋ kai.

¹²Haw gara! Tili Suura na wiini vokɗi ɗai na viya n’a na wa maini suura na wiini yem-ra n’abai nɵa, vugumɗi lai maini vugumni mayaw na war yem-ra n’abai nɵa.

¹³Ɗai e sûûri maini suura na wiini Yem-ra n’abai nɵa, Amma EPIƊ-ƊAI a ɓiriɗi, e pri edi wuzani arni par gaigai e rûvi maini evek n’amai midini huwuŋ na smer a fanaŋ ɗa nɵa, maini bra na berber a tikaŋ ɗa nɵa.

¹⁴Koskoi te za li ɗa, a hunai n’abai, haa hlai a siɗasi edi ta ɗa, e ɗi kir kaalai. Hanɗa a wala n’aga a za siɗi ɗai n’e virmiyi ɗa, siɗi nagai n’e hili wazagaiyi ɗa.