Read Mousgoum Esaya 18 Bible Online

Esaya 18 - Mousgoum bible

Esaya 18

¹Haw gara buriku tuku afti na hulamaiku n’abakai e higi sapa amai sulu sulu kapai e finiŋ gaini; na hulamaiku hanɗa a na agoɗom warni ra na Etiopiya lai.

²Tuku na ku ɵina ɗai edi midini yem-ra n’abai, warni hulamai n’e ziŋ gaini vayai. Hili, tiki ɵeŋ na kokolakai, hili siɗi ɗai na mogokai, n’amur siɗi gulɓu, siɗi ɗai na sabapai gara, war piɗi zi tiki par, sini pinziba zi spak na kirpa ɗai paŋ, n’aftini ra woni viya.

³Tiki paŋ na kiɗa warɗi yai, na ki simni midini afti, Won hlai na drapo a pa li amai amai midini huwaŋai ɗa, aga ki tili, won hlai n’aga e piɵi fana ɗa, aga ki ɵini.

⁴Buri EPIƊ-ƊAI a muɗaŋa maini nɵa: Mu sumna hiyak, mu tala gaini hangal, mu muguza sa kai, maini hlai z'afu n’a yuvuga girvudi n’arba nɵa. Maini ɗugul zi faŋ war hlai z'afu na war hiɗi nɵa.

⁵Nɵa, wuzani hiɗi ɗa, won hlai na cifiyini luwuŋ zi vin a vada li won hlai na cifiyini a bunda li aŋ ali luwuŋ n’a na naiya, e ɗûklisi tini luwuŋ z'ali gaini ɵimani paŋ azumai gaini kup kup, asakal par a tika arni ali luwuŋ na pɗamai edi sini na maafanai gaini ɵimani par.

⁶Gai hlaini paŋ, a hina edi wiini bagasakai n’amai midini huwuŋ, gaini wazagai n’edi buza n’azumai midini afti lai; bagasakai a ziti apiyani woni gaini, gaini wazagai n’edi buza a ziti amsaini woni gaini lai.

⁷War mefeŋ ni ɗa, ɗai na mogokai na siɗi gulɓu, ɗai na sabapai gara war piɗi zi tiki par, ɗai zi spak n’e kirpi hlai paŋ n’aftiɗi ra warni viya lai ɗa aga e kinisi like wiini EPIƊ-ƊAI zi Spak paŋ, aga e kisi like hanɗa, war hlai na yikini EPIƊ-ƊAI zi Spak paŋ a na woni, amai midiɗi huwuŋ Siyon.