Read Mousgoum Esaya 20 Bible Online

Esaya 20 - Mousgoum bible

Esaya 20

¹Buza na, abaiɗi askarai na Sargon, pai na Asiriya a ɵinaŋsi war Asdod, a halasi, a hitimiti a tikiti lai.

²War sarti ni ɗa, EPIƊ-ƊAI a muɗa war mini Esaya, n’ahini Amots maini nɵa: Hala, ku foko sapa zi tuwi na suku edi, ku wa harabak n’azuku edi lai. Esaya a za maini nɵa. A hala ganala harabak ezini kaalai.

³EPIƊ-ƊAI a muɗa: Esaya na ɗifŋa a hala ganala, harabak ezini kaalai haa buza hu, hanɗa aga a za aŋ wala zi siŋki buriɗi Egipte gaiɗi Etiyopiya.

⁴Nɵa lai, pai n’Asiriya aga a kiɗi ɗai n’Egipte gaiɗi ɗai na Etiopiya edi aŋ bagakai. Aga a yimiɗi gawlakai gaiɗi ɗai na walakai lai ganala, harabak eziɗi kai, gaini fleɗi edi ta ta lai. hanɗa a wala zisiyer buriɗi ɗai n’Egipte.

⁵Nɵa hunai n’abai aga a yimiɗi, siyer aga a dugiɗi lai, buriɗi Etiopiya n’e ɗa piɵi midiɗi, gaiɗi Egipte n’e ɗa kûli siɗi gaiɗi lai.

⁶Ɗai n’agoɗom wulani yem-ra n’abai na Mediteraneya, aga e miɗi war mefeŋ ni ɓa: Tili ni na mu pɵumu midini, hlai zi ŋoyai na wiimu na mu hiinumu ɓ'aga a zina pumu, a plumu edi tini pai na Asiriya par ɗa a bunda an na! Aga mu kurɗumu edi gaini yel na maɵa maɵa ɗa?