Read Mousgoum Esaya 23 Bible Online

Esaya 23 - Mousgoum bible

Esaya 23

¹Miɗi na sin EPIƊ-ƊAI par na buriɗi Tirus. Zini yama zi tuwi, tiki hulamai n’abakai na Tasis, buri te tuura edi kok! Dalam aŋ kir kai, Hlai n’e niyi aha sek warni aŋ kir kaalai. Labar hanɗa ɗai e ɵiŋsi midiɗi wudi na Sipre par.

²Bindi ɓurtum tiɗi hunai, tiki ɗai na midiɗi wudi, tiki na ɗai zi sakala na Sidon par, n’e cikili midini yem-ra n’abai, e viki hajaki amai.

³Agoɗom midini yem n’abai ɗa ɗaw, seyem na Sihor par, gaini n’e hirmiŋ agoɗom wulani ra Nil ɗa, a der na wiiɗi. Fuŋ n’abai hanɗa a bunda aŋ kosku na pinzibaɗi ɗai paŋ e piŋ paŋ.

⁴Sidon, gaini siyer, Tuku hlai zi ŋoyai na war yem-ra n’abai buri yem-ra n’abai a na muɗa maini nɵa: mu sɗa gir na wiini pûki kai, mu wa ahi kai Mu wula ali na maɵagai amai kai, mu wula ali na falakai amai kaalai.

⁵Won hlai na labar hanɗa a co li war Egipte ɗa, ɗai aga e jiriyi maini na ɗai e ɵini labar n’a za siɗi Tirus ɗa e jiriyi ɗa nɵa.

⁶Vigi yem-ra n’abai ɗa hili haa a Tarsis, zi yama zi tuwi, tiki ɗai na midiɗi wudi,

⁷hanɗa a fuŋki n’abai n’aŋ war fet ɗa tiɓ ɗi? Na pini a tikasi haa gamai par, n’ezini a kaŋ haa gaigai aŋ za cakala tiɓ ɗi?

⁸N'a rga warni aŋ tuuriti Tirus edi, na na te cikila bogorai na wiiɗi paakai edi, na ɗai ɗi zi cakala e ɗi ɗai n’abakai, na ɗai ɗi zi cakala ɗa, ɗai na midiɗi yai paŋ e siɗi kol ɗa, ni asiya ɗa?

⁹Hanɗa a EPIƊ-ƊAI zi Spak paŋ. A rgaŋ warni mai hanɗa ɵa, kapai kol na buriɗi abai paŋ a vada edi, kapai wala na ɗai na midiɗi yai paŋ e kûliŋ ɗa, kolni a wayasi azumai.

¹⁰Tiki ɗai na Tirus, hirmi aftiki ɗa, maini hlai na wulani Nil ɗa nɵa. Buri hlai na hulamai n’abakai na wiiɗi ɗai zi cakala a yima woni aŋ kai.

¹¹EPIƊ-ƊAI a siŋka spakni sini yem-ra n’abai, a ziriya afti na wiiɗi paakai; a sa miɗi sini afti na Kanaan, buri e tûûri hlaiɗi n’abakai zi ŋoyai ɗa edi

¹²A muɗa: Tiki ɗai na Sidon, aga ki ɵi dawaŋ kir kai, tiki ki ɗa maiɗi ɓulumi n’e finiti aŋ gdaŋ nɵa, fiki amai, vigi yem-ra n’abai ɗa, haa a Sipre, woni kaw, si n’amla na wiiki aŋ kai.

¹³Tili afti na wiiɗi ɗai na Babilon, pinzibaɗi ɗai hanɗa e ɗi kir kai, Ɗai na Asiriya e bindiŋ aŋ hlai zi simni na wiini wazagai n’edi a buza, E rgi porio zi gɗam, e hu dalamai na pɗamai na Tirus ɗa azumai, e bindiŋ aŋ hlai zi deeɓer.

¹⁴Zini yama zi tuwi, tiki hulamai n’abakai na Tarsis, buri hlai zi ŋoyai na wiiki a tuura edi kok.

¹⁵War mefeŋ ni ɗa, ɗai midiɗi aga a wula gaiɗi Tirus haa buza doogo doogo muguzak, mefeŋ na wiini pai ktai ta. Asakal buza na doogo doogo muguzak hanɗa par, Tirus aga te bunda maiɗi muni zi zawar, na ziniti war yama ɓa:

¹⁶Tika adill tuku ɗaw, guna fuŋ n’abai ɗa azumai, tuku zawar na midiɗi ɗai a wula gaiku cikeŋ, Sliɓa adill pɗem, zina yama wuzaku sek, kapai midiɗi ɗai a kɵa gaiku.

¹⁷Asakal buza na doogo doogo muguzakɗa par, EPIƊ-ƊAI aga a waisi hiinini siɗi Tirus, amma na aga te waya pini derɗi na haharai ɗa, aga te za zawar gaini aftiɗi paakai n’a na midiɗi yai ɗa paŋ.

¹⁸Amma derɗi n’aga te navaŋ paŋ, aga a tika edi aŋ wiini EPIƊ-ƊAI, aga e tipiŋ amai kaalai, e giɗimiŋ kaalai, amma der ni ɗa aga a za aŋ simi na wiiɗi nagai n’e ɗa wuzani EPIƊ-ƊAI, aŋ wala n’e wûri sapa na pɗamai siɗi gaini lai.