Read Mousgoum Esaya 31 Bible Online

Esaya 31 - Mousgoum bible

Esaya 31

¹Haw gara buriɗi nagai n’e hili war Egipte aŋ piyi zinai woni par, n’e pɵi midini plasai n’e tiki hiiniɗi midini saretai buri ɓ'a na viya e pɵi midiɗi ɗai zi diɓri plasai zi gaw buri ɓa e ɗa gdaŋai gara, amma e mili arɗi sini Alaw na Siɗik na wiiɗi Izrayel ɗa kai, e piyi EPIƊ-ƊAI kaalai.

²Gaini hanɗa paŋ, Ni lai a na yel gara, buri a ɵinasi gir midiɗi, seŋni n’a muɗaŋ li ɗa, a bundaŋ kai, a faka amai sini vokɗi ɗai na maafanai, gaini zinai na wiiɗi ɗai n’e zi meefeŋ lai.

³Ɗai n’Egipte ɗa e ɗi ɗai, e ɗi alaw kai, plasaiɗi aŋ sini ɗa a neŋ, a seze kai, Won hlai na EPIƊ-ƊAI a miɗitisi tini li edi ɗa, ɗif n’a lawa ɗuwal ɗa aga a kɵiŋa, ni n’a nava zinai ɗa aga a kɵa lai, gai sulogaiɗi paŋ aga e vidi edi.

⁴EPIƊ-ƊAI a muɗaŋa maini nɵa: Won hlai na gurnai zaw, ahi gurnai a faka li aŋ nuuma sini wala n’a yimaŋ ɗa, Koo ɓa e yikiɗisi ɗai zi gɗam sini viya ɗi, ɗuwal n’e ɗûûli ɗa a milini hunai pini kai, vokɗi na viya kaw, a ɓirini agulni kaalai, nɵa lai EPIƊ-ƊAI zi Spak paŋ, aga a niyasi azumai, amai midiɗi huwuŋ Siyon, gaini boŋorɗi aŋ hitima woni.

⁵Maini wala zi ɗifli n’a wa graŋni edi nɵa, nɵa lai EPIƊ-ƊAI zi Spak paŋ aga a wa tini edi midiɗi Yeruzalem; aga a pa tini midiɗi, aga a pliti edi, aga a giɗimiti, aga a kurɗiti edi lai.

⁶Tiki ɗai na Izrayel, na ki hini EPIƊ-ƊAI edi marwai, wiyisi sini.

⁷War mefeŋ ni ɗa, ɗif paŋ aga a hina alawaini na jrekai kai na zi arzaŋ zaw zi or ɗa edi, na ki ziziniŋ gaini tiki na tuwarai ɗa.

⁸Ɗai na Asiya ɗa aga e mri mini kaɵkar kaɵkar na wiiɗi ɗai murɗakai kai, kaɵkar hanɗa aga a vidiɗi edi, nagai aga e pri edi wuzani, amma aliɗi a gawlakai aga e zi sda zi bege.

⁹Huwuŋ na wiiɗi aga a pra edi, gaini hunai n’abai, askaraiɗi n’abakai, wuzani drapo ɗa, gdaŋɗi aga a vada edi, -A miɗi na sini EPIƊ-ƊAI par, n’aŋ gaini afu aha war Siyon, aŋ gain waŋ z'afu n’abai aha war Yeruzalem lai.