Read Mousgoum Esaya 35 Bible Online

Esaya 35 - Mousgoum bible

Esaya 35

¹Basga na kaɗataŋ gaini afti na kooloŋ, firiyi, hlai na plas na yem warni kai, aga a pra amai gaini firiyi n’abai, fler aga a ŋ lai,

²fler aga a ŋ azumai, aga a pra amai, gaini yama zi firiyi, gaini ɗuwal zi firiyi lai, Juf na wiini Liban ɗa aga a sa sini, Juf na wiiɗi huwuŋ Karmel gaini hlai na plas na Saron ɗa lai. Nɵa ɗai aga e tiliti abai na wiini EPIƊ-ƊAI, juf na wiini Alaw na wiimu ɗa lai.

³Sini gdaŋ wiini tiy na gaini liliɓi ɗa, Bindi kurnai na gai liywi ɗa gdaŋai lai.

⁴Miɗiɗi wiiɗi nagai n’agulɗi a na ɓiriɗi ɗa ɓa: Ɗiyi gdaŋ, ki hûni kai: Alaw na wiiki ɗa a na! Aga a halasi aŋ ziɗi gir wiiɗi nagai n’e ziki gir ɗa, aga a vurga meefeŋ na gawki e ziŋki ɗa lai. Ni gaini midini dama aga a halasi a kûrɗiki.

⁵Nɵa, arɗi ɗai na malvanai aga a tala ziiya, ɵimaɗi nagai na ganaŋai aga a mala edi lai.

⁶Nɵa na daŋalaŋai aga e pri maini baryam nɵa, na ɓurtum aga e ɗûûli gaini firiyi lai. Buri yem aga a cirɗa amai edi war basga na kaɗataŋ, hlai na plas na yem warni kai ɗa arakai aga a ka woni.

⁷Hlai na futi te ya warni gdaŋ gara ɗa aga a bunda aŋ bal, hlai na sai a ɗai warni gara ɗa, yem aga a cirɗa warni par, hlai na belemke a naka fana woni ɗa, vayai gaini papirus aga a diya amai woni.

⁸Futi aga te ɓasa woni, te futi na ɗai e hili warɗi, aga e yikiti ɓa "Futi na wiini Alaw", ɗif na hi-hir aga a vuga woɗi kai, te na buriɗi nagai n’e hili warɗi, ɗai na tatalakai aga e pipiyisi woɗi kai

⁹Warɗi futi na ɗa gurnai aŋ kai, wala na buza zi limi ɗai kaw a halasi woni kaalai, ɗif a kiɗa navaŋ woni kai, Aga e hili warɗi ɗa e ɗi nagai n’EPIƊ-ƊAI a pliɗisi edi ɗa;

¹⁰Nɵa, nagai n’EPIƊ-ƊAI pliɗisi edi ɗa, aga e wiyisi aha, aga e cûsi a Siyon gaini ɗuwal zi firiyi, Firiyi n’a vadakai aga a pa midiɗi maini bogorai nɵa, Firiyi n’abai gaini firiyi aga a lawa miɗi, gir gaini marava aga a pra edi wuzaɗi.