Read Mousgoum Esaya 36 Bible Online

Esaya 36 - Mousgoum bible

Esaya 36

¹War buza n’ag'aŋ doogo pi puɗu na Ezekiyas aŋ warɗi pai, Senakerib pai n’Asiriya, a halasi a hitima fuŋ n’abakai zi ɵaga na Yuda ɗa, a mlaŋ lai.

²Pai n’Asiriya a nafu a Lakis. Woni par a ɵina abai na midini dalamni gaini vokɗi askarai pini pɗem ta, sini pai Ezekiyas a Yeruzalem. Abai na midini dalamni a hala a ɗiyasi min hlai na yem na warɗi avai n’amai par a kasi woni ɗaw ɗa, warɗi futi na te hala edi war vowai na wiini ɗif n’a za sapa bogro par lai.

³Nɵa Eliyakim, n’ahini Hilkiya, abai na midini dalam na wiini pai ɗa, a niyasi edi mini gaini Sebna na sekreter gaini Yowa, ɗif na giɗima maktuɓ na wiini wazagai n’a vuga, n’ahini Asaf ɗa lai.

⁴Abai na midini dalam na wiini Senakerib a miɗiɗi: Zi barka! hili ki miɗini wiini pai Ezekiyas ɓa: Pai n’abai, pai n’Asiriya ɗa a na muɗasi maini nɵa: Ku tika hiiniku tiɓ na ɗa midini a ma ɗa?

⁵Ku hiina warku ɓa: seŋ zi miɗi na taf taf kadai ɗa, a yel gaini kurfuk na war hatam ɗi? Ku pɵa na midini asiya kiɗi ɗa na kapai ku faka amai sa ɗa?

⁶Ku pɵa na ɗa midiɗi Egipte, vayai na gaini hiɗi ɓaw, na ɗa asiya ɗi paŋ n’a tika tini li midiɗi ɗa, a ɓulaŋ fu tini, Faraw, pai n’Egipte ɗa, a na maini nɵa, burini asiya ɗi paŋ n’a pɵa midini ɗa.

⁷Ablaŋtaŋkai ga ki wiyiyi seŋ ɓa: ki pɵi na ɗa midini Epiɗ-ɗai Alaw na wiiki ɗi ɗa, a tuura hlini zi ɓaka gaini guwiŋi zi ɓaka edi ɗa a Ezekiyas ni kai ɗi? A miɗiɗi wiiɗi ɗai na Yuda gaiɗi na Yeruzalem ɗa ɓa e hûrgi azumai ɗa wuzani gûwiŋ zi ɓaka n’a na war Yeruzalem kiini ɗa a Ezekiyas ni kai ɗi?

⁸Tiyana ɗa, za barka, ro Epin-geza, pai n’Asiriya haw le! Na ɓa ɗaiku zi diɓiri plasai e ɗa ɗa aga mu piyuku plasai dubu sulu!

⁹Tuku maa, ku kiɗa ku birga Lawan na wiini epin-geza, n’agwi na piɗi marni kai zaŋ. Ku pɵa na ɗa midiɗi Egipte, ɓ'aga te sukusi saretai zi gaw, gaiɗi ɗai n’e diɓiriŋ lai kai ɗi?

¹⁰Ku hiina ɓa, mu fakasi amai aŋ hitima afti hanɗa aŋ tuuraŋ edi lai ɗa gaini dirini EPIƊ-ƊAI kai ɗi? A saŋa futi ɗa a EPIƊ-ƊAI ɓa mu hitima afti hanɗa, mu tuuraŋ edi lai.

¹¹Nɵa Eliyakim gaini Sebna gaini Yowa, e miɗni wiini abai na midini dalam na wiini pai n’Asiriyamaini nɵa: Mi siiwuku, miɗiyisi gaini mini seŋ na wiiɗi ɗai na Aram ɗa, tiyi mi ɵiniŋ ya. Ku miɗiyi gaini mini seŋ na wiiɗi Yudiyakai, ɵimaɗ ɗai n’e ɗa amai midiɗi ɵagai par aŋ ziɓiri na ɗa kai.

¹²Abai na midini dalam na wiini pai a wiyiɗi seŋ: Seŋ nepi-geza a ɵinaŋasi aŋ muɗaŋ ɗa, a na burini epin-gezaku gaiku tuku kiiki ɗi? Nagai n’e simnisi ami par midiɗi ɵagai hanɗa aga e bindi e simi flaiɗi, e ci huwaiɗi lai gaiki ɗa e ɗi nagai kai ɗi?

¹³Abai na midini dalam na wiini pai n’Asiriya a ɗiya amai zaw, a ɗuula gaini gdaŋni war mini seŋɗi Yudiyakai, a muɗa: Ziɓiri seŋ na wiini pai n’abai ɗa, pai n’Asiriya ɗa.

¹⁴Pai a na muɗa maini nɵa: Ki hini Ezekiyas a duuliki kai, a kiɗa aŋ pliki edi war ta par kai.

¹⁵Ki tiɓi pin Ezekiyas, n’aga a zik miɗiki ɓa ki pɵi midin EPIƊ-ƊAI, aga a pliki edi fakat fakat, na miɗiki lai ɓa. Fuŋ n’abai hanɗa aga asa tini pai n’Asiriya ɗa kai ɗa kai.

¹⁶Pai n’Asiriya a na muɗa maini nɵa: Ki yimi seŋni Ezekiyas ɗa kai, ki marmai gaya, wiyisi amlai pa, nɵa asi a ɗi pa! aga alum ali luwuŋ zi vn gaini aliluwuŋ Fige na wiini, aga a ca yem war kiliŋ na wiini parlai.

¹⁷Asakal par aga mu halaɗi, mu kiki midini afti na maini na wiiki nɵa, afti n’a za algama, n’a za vin na hehe, afti n’a za wala zi simi gaini zi wala zi ci, afti n’a za luwuŋ olive, n’a za emel, afti na za emel n’ami lai,

¹⁸Ki yimi pin Ezeyas n’aduuliki ɓa: EPIƊ-ƊAI aga a plumu edi kir kai. Alawai na wiini pinziba hanɗa, e kiɗi e ciki pai n’Asiriya aŋ tika aftiɗi kai ɗi?

¹⁹Alawai na wiiɗi Hamat gaiɗi Arpad aŋ wa ta ɗa? Alawai na wiiɗi Sefarvaiim ɗa aŋ wata ɗa? Alawai hanɗa a kiɗa aŋ pliti Samariya edi ta par ɗi?

²⁰Arbani alawai na wiini afti hanɗa paŋ ɗa, ktai n’a pla aftini edi war ta par ɗa asiya ɗa? Na kapai EPIƊ-ƊAI a pliti Yeruzalem edi ta par ɗa?

²¹Ɗai e simni hiyak, e wiyini seŋ kai, buri pai Ezekiyas a miɗiɗi ɓa e wiyini seŋ kai.

²²Asakal par Eliyakim n’ahini Hilkiya gaini sekreter Sebna gaini Yowa ɗif nagiɗimamaktub na wiini wazagai n’avuga, n’ahini Asaf lai, e wiyisi sini Ezakiyas, sapa na siɗi gaini ɓisi edi ɓas ɓas, e miɗini seŋ n’abai na midini dalam na wiini pai n’Asiriya a miɗiŋɗisi ɗa.