Read Mousgoum Esaya 39 Bible Online

Esaya 39 - Mousgoum bible

Esaya 39

¹War mefeŋ ni ɗa, Merodak-Baladan n’ahini Baladan, pai na Babilon, a ɵininisi lere gaini katu wiini Ezekiyas. Buri a ɵina ɓa Ezekiyas a nafu veglek, amma tiyana a zuula ta.

²Ezekiyas a yimiɗi morkokai gaini firiyi. A siŋkiɗi hlai na wazagaini na pɗamai aŋ warni ta ta ɗa paŋ: arzaŋ, or, wazagai zi ɗûgûdi zi lûgûzi, yitir, wazagaini zi gaw ɗa gaini wazagai n’a na amlai war godaini ɗa paŋ, wala n’a hina aha war dalamni ta zaw warɗi paini ta, n’Ezekiyas a siŋkiŋɗi kai aŋ kai.

³Ɗif na min Alaw Esaya a halasi sini pai Ezekiyas, a zilbaŋ a muɗa: Ɗai hanɗa e muɗuku ɗa a ma ɗa? E hilisi wata par ɗa? Ezekiyas a wiyini seŋ, e hilisi midini afti na gaigai par, a Babilon par.

⁴Esaya a zilbaŋ pra: Na e tili aha war dalamku ɗa a ma ɗa? Ezekiyas a wiyini seŋ: wazagai n’aha war dalamŋa paŋ e tiliŋ paŋ, wala ktai n’ahina amlai war godaiŋa ta, na mu siŋkiŋɗi kai ɗa aŋ kai.

⁵Nɵa Esaya a miɗini wiini Ezekiyas: EPIƊ-ƊAI zi Spak paŋ a na muɗa suku maini nɵa:

⁶Mefeŋ aga a gizi, wazagai n’a na aha war dalamku, na paakai na wuzaku par e tipiŋ ka ɗa paŋ, ɗai aga e libiŋ a Babilon sek, wala ktai maa aga a hina piɗi kai, a muɗaŋ ɗa a EPIƊ-ƊAI.

⁷Aga e milɗi aliku na maɵagai n’eniyisi suku pr, na ku wiiɗiku tuku mal lai, aga e ziɗi aŋ ɗai na kɓarai aha war dalam na wiini pai na Babilon.

⁸Ezekiyas a wiyini seŋ wiini Esaya: Seŋ na wiini EPIƊ-ƊAI na ku muɗaŋ hanɗa gai futini. Buri a hiina warni ɓa: War mefeŋ na wiya ɗa, ɗai aga e simni war ɵeɗ, huwyi a za siɗi kaalai.