Read Mousgoum Esaya 46 Bible Online

Esaya 46 - Mousgoum bible

Esaya 46

¹Alaw Bel a pa kurnaini azumai, alau Nebo a goɓa azumai; e mili alawai zi rgi na wiiɗi amai midini wazagai n’ezini puɗu puɗu, midini plasai, zaw, ɵigini, zaw ablehökai; Ki libiŋ gai libi, ki miliŋ amai duɓani gai mili lai, a bunda aŋ jak na guma, midini wala n’ezini puɗu na gai kiyi su n’a na lubaŋ ɗa!

²Gaini wazagai n’ezini puɗu puɗu n’a lubaŋ ɗa paŋ, e guɓi azumai, e pi kurnaiɗi azumai piɗi marɗi, alawai ni a kiɗa a pla jak ɗa azumai kaalai, ni dama a kiɗa a niya azumai kaalai. Nagai lai e hili edi aŋ bege gaiɗi ɗai ɗi ɗa.

³Slini pɗem pinzbani Yakob, gaiki tiki paŋ, na ki hini karki war pinzibani Izrayel, tiki na mu tika hangala siki, haa warɗi tamaiki par, mu na libiki haa war gutɗi tamaiki par lai!

⁴Haa ki zi walakai, mu libiki mu ta ɗaai, haa ayir na miɗiki a bunda muɗukwi, aga mu libiki ɗaai, mu zaŋ duk ya, aga mu zaŋ pra ɗaai, aga mu libiki, aga mu zina piki, aga mu tika piliki edi lai.

⁵Ki kitiŋa gaini asiya ɗa? Ki kitiŋa mada gaini asiya ɗa? Mu ziŋga ɗa asiya ɗa? Na kapai mi siɗi mai maryi ɵa ɗa?

⁶Or n’aŋ war guɓaɗi ɗa, e miliŋsi edi, e tiki gumani arzaŋɗi midini wala n’e tiki kilo gaini; E piyisi ɗif zi hiliyi or, kapai a ziziniɗi alaw, e guɓi azumai wuzani, e hûrgi azumai wuzani lai.

⁷Asakal par, e libiŋ, e ziyiŋ amai wulaɗi ɗaw, e hili e ɗiyiŋ war hlai n’e ziziniŋ burini ɗa. A zogo edi war hlai ni par kai! E ɗuuliŋ maa, a waya seŋ kai, A kurɗa ɗif war gir par kaalai.

⁸Hini miɗiki a kɵa gaini seŋ hanɗa, pi siki amai aŋ ɗai, ki hiini pɗem, tiki na ki hi amai midini gadai.

⁹Hini miɗiki a kɵa gaini hlai n’a vugasi haa aɗipar; Buri ɓa Alaw mu Ta, na zamai aŋ kai, Ta m’Alaw, wala ktai n’a kata gaya aŋ kai.

¹⁰Wala n’aga a za avut sek ɗa, mu muɗa edi midini war pi zi tiki par, wala n’a za kai ɓa ɗa, mu muɗasi midini gamai par ya. Mu muɗa: Na mu hiinaŋ wara ɗa va amai lai, na mu firyaŋ paŋ ɗa aga mu zaŋ.

¹¹Aga mu yikasi piɗi futi na dawai par par wala zi ɗifli zi fi wazagai, midini afti na gaigai par, ɗif n’aga a vaŋa hiiniŋa amai ɗa. Wala paŋ na mu muɗaŋ ɗa, mu hinaŋ a za. Na mu hiiniŋ paŋ ɗa, mu hinaŋ a va amai lai.

¹²Slini pɗem, tiki ɗai na miɗiki a yima seŋ kai ɗa, tiki ɗai na ki ɗiyi sini jre kai ɗa!

¹³Mu na kitisi jre-ɗikat na wiya -t'aŋsi gaigai kai- kûri na wiya lai aga a yafasi kai. Aga mu kasi pli n’edi aha war Siyon, buriɗi Izrayel, na kol na wiya.