Read Mousgoum Esaya 47 Bible Online

Esaya 47 - Mousgoum bible

Esaya 47

¹Niyasi azumai, sumna azumai arni afti, tuku Babilon na juvi, Sumna azumai kadai, ku sumna midiɗi Paramai zi pai kai, Fuŋ n’abakai na Babilon. Tiyana par, aga e yikiku ɓa "Babilon na juvi" na pɗemi gara, na firiyi warɗi gara lai kir kai zaŋ.

²Militi funi zi siri wai gaini ahiɗi paŋ, sara wai; mula sapa n’arku ɗa edi, yima mini sapa na suku ɗa amai, hina ɓalakku edi kadai, hawa rakai zi yem ɗa amai.

³Ɗai aga e tili ganalaku ɗa, siyerku a siŋka edi lai. Aga mu zuku meefeŋ, midini meefeŋ na ku zaŋ sa ɗa, ɗif ktai maa aga a cakaŋa kai.

⁴Ɗif n’a wurumusi edi ɗa, yikini ɓa EPIƊ-ƊAI zi Spak paŋ; A Alaw na Siɗik na wiiɗi Izrayel.

⁵Bah muku hiyak! hala war gegeŋ, Fuŋ n’abakai na wiiɗi ɗai na Babilon, Aga e yikiku ɓa "Abai na midini aftiɗi paakai paŋ" kir kai.

⁶Mu nafu gaini hiy n’abai siɗi ɗaiŋa ɗa, mu tala bulumŋa maini wala kadai nɵa, mu siɗi edi war tuku aŋ ziɗi gir; Tuku ku hiina haw buriɗi kai zaŋ. Ku tika jug na guma gara wulaɗi na walakai ɗa.

⁷Ku hiina warku ɓa: Aga mu hina aŋ "abai midini aftiɗi paakai paŋ" ɵa ku hiina midini wazagai hanɗa ɵa paŋ kai, ku hiina midini n’aga a za dawai sek ɗa kaalai.

⁸Tiyana ɵina pɗem, tuku na ku sa firiyi wiiɗi ɗai, na ku sumna azumai gai hangalku dam na ku hiina ɓa: Mu Ta, sai mu Ta, aga mu za aŋ muni na war greŋ duk kai, wala aga a ɓurwaŋa gaiɗi aliya kaalai.

⁹Amma wazagai zi gir na sulu hanɗa paŋ, aga a za suku war sarti ktai, war mefeŋ ktai lai: Fiɗi n’edi na wiiɗi aliku, gaini simniku na war greŋ, Aga a luɓasi muduku gai gdaŋni, koo ɓa ɗaiku z'evek e ɗa viya, zi zi hiyla viya lai tekeɗeɗi.

¹⁰Ku tika hiiniku ɗa midini sda na maafanai na ku na zaŋ ɗa, ku hiina warku ɓa: Ɗif a na talaŋa kai, Yelku gaini sɗiku ɗa a duuluku duwul, ku yika suku ɓa: Ta, sai mu Ta.

¹¹Gir aga a liɓasi muduku, ku siɗa hlai n’a halasi woni par kai. Ɓilki n’edi aga a kɵa muduku, aga ku mula edi mini par kai, Turli aga a luɓasi muduku, a nuvukusi ɓurgum. Labar tuku kai.

¹²Hala wuzaku gaini sdaku zi hiila haw! gaini sdaku z'evek haw lai, na ku na kaya suku gaini haa war agwiku par ɗa! Ablaŋtaŋkai aga a zina puku ɗi! Ablaŋtaŋkai aga ku miliɗi hunai piɗi ɗai gaini ɗi ɗa!

¹³Ku paya yel haa, muku gai tiki ta, haa ku kaya. Tiyana ɗa nagai n’e siɗi ɓrawni hlai n’amai n’a na ta ta ɗa, n’e siɗi sdani meeɵek, gaini tile gaiɗi futi lai, n’e siɗi wala n’aga a za suku, pin diyini tile ɗa, e hilisi e kurɗuku edi haw kir ka!

¹⁴Tili, aga e bindi maini evek nɵa: afu aga a yiɗi edi; aga e pri mini alesni afu par kai: Hanɗa a morjo n’e di simi gaini kai, a afu n’e ŋiliŋ buri e kupi siɗi gaini kaalai.

¹⁵Nagai na ku kaya suku buriɗi na ɗa aga e bindi mai hanɗa ɵa. Nagai na ku za cakala gaiɗi haa war agwiku par, ɗif paŋ aga a tikiti futi n’a siɗiti kai: Tuku ɗa, ktai n’a kurɗuku edi aŋ kai.