Read Mousgoum Esaya 51 Bible Online

Esaya 51 - Mousgoum bible

Esaya 51

¹Slini pɗem, tiki na ki ɗa piyi jre-ɗikat, na ki ɗa piyi EPIƊ-ƊAI lai! Mili arki sini huwuŋ n’e kilɗikisi sini par ɗa, sini waŋ, n’e milikisi edi warni par lai.

²Mili arki sini Abraham, n’apiki, tili siɗi Sara na te wiiki lai; Abraham a nafu kiini ktai, won hlai na mu yikaŋ, mu ɓakaŋ, mu sisiɗaŋ viya lai.

³EPIƊ-ƊAI aga a siɗi arai zi pi wiiɗi Siyon maini nɵa, a hiina haw burini hlaiɗi n’a haɗa azumai ɗa, Aga a bunda basgaɗi ɗa maini Eden nɵa, aftiɗi na kooloŋ ɗa maini zardeŋ na wiini EPIƊ-ƊAI nɵa lai. Firiyi n’abai gaini firiyi aga a za aha warɗi, yama zi kol gaini yama lai.

⁴Tiki hangalki sa, tiki ɗaiŋa, Zigi ɵimaki ma, tiki pinziba na wiya, Buri aga mu siki ɗi gadai zi ɗû, aga mu siŋkiti sariyai na jre na wiya edi lai. Kapai a za aŋ gaglai na wiiɗi ɗai.

⁵Jre-ɗikat na wiya te na gobi, kûri na wiya aga a siŋkasi edi gaglai, aga a mu ziti sariya wiiɗi pinzibaɗi ɗai gaini spak; ɗai na midini wudi aga e pɵi mada, aga e biyi spakŋa lai.

⁶Yimi arki amai, tili hlai n’amai, tili arki azumai sek midini afti lai. Hlai n’amai ɗa aga a giyha edi maini agiyiŋ nɵa, afti lai aga a tuma edi maini sapa nɵa, ɗai na midini afti ɗa aga e mri maini aduwai nɵa; amma kûri na wiya aga a sumna haa hlai na vada kai, jre-ɗikat na wiya aga te ɗiya kaalai.

⁷Slini pɗem, tiki na ki siɗi jre-ɗikat ya, Tiki ɗaiŋa na gadaiŋa zi ɗû aŋ warɗi agulki ɗa! Ki hûni tirki na wiiɗi ɗai kai, ki hini riyi n’e riyi pi ɗa, a vada gdaŋki edi kaalai.

⁸Buri ɓa masalam aga limiɗi maini sapa nɵa, Bigru aga mula siɗi maini n’a mua sini adumai ɗa nɵa; amma jre-ɗikat na wiya aga te sumna haa kureɗ, kûri a wiya haa hlai n’a vada kai, n’a vada kai lai.

⁹Zliyasi amai, ɵiyasi amai, Wa Spak suku, tuku tini EPIƊ-ƊAI, Zliyasi amai maini na gamai par, war sarti na wiiɗi ɗai n’e vigisi aɗipar nɵa! ku fuɗa Rahav edi, ku tuku kai ɗa? ku ɓula wala meefeŋ n’abai ɗa ku tuku kai ɗi?

¹⁰Ku huula yem-ra n’abai ɗa amai ku tuku kai ɗi? yem na war huduk n’abai ɗa, ku ɓisiti futi azumai war hulumni yem-ra n’abai ɗa, kapai ɗai na ku pliɗisi edi, e vigisi warɗi ɗaw, ku tuku kai ɗi?

¹¹Nɵa nagai n’EPIƊ-ƊAI a pliɗisi edi ɗa aga e wiyisi aha, aga e cûsi aha war Siyon, gaini ɗuwa zi firiyi, firiyi na vada kai aga a ŋala midiɗi; firiyi n’abai gaini firiyi aga a lawasi miɗi, gir gaini marava aga a pra edi siɗi par lai.

¹²Mu siki arai zi pi ɗa mu Ta, mu Ta pal. A na mai hanɗa ɵa. Tiki ɗaiŋa, ki hûni ɗif murɗek buri ma ɗa? Ni n’aga a mra, kalkal maini evek nɵa ɗa.

¹³Muduku a wula gaini EPIƊ-ƊAI n’a zuku, n’a gaŋa hlai n’amai ɗa edi, a tora eziɗi yai azumai lai ɗa cikeŋ ɗi? Aga ku jiriya ɵa kureɗ, wuzaku ɵa ɗaw, wuzani hiy na wiini ni n’a za gir wiiɗi ɗai, mai na ɓa a na zinasi sini aŋ tuura hlai edi ɵa ɗi? Suwar na wiini ni n’a za gir wiiɗi ɗai ɗa a na wa sek ɗa?

¹⁴Agwiya ɗa, ni n’a na amlai war daŋgai rok ɗa, aga a nava pli n’edi, aga a mra azumai warni waŋ kai, simini aga a ɗukla mini kaalai.

¹⁵Ta m’EPIƊ-ƊAI, Alaw na wiiku, mu huuwra yem-ra n’abai ɗa amai, mu za maiawni a suura lai ɗa mu Ta. Yikiŋa ɓa EPIƊ-ƊAI zi Spak paŋ.

¹⁶Mu wa seŋŋa war muku, Mu pa ta muduku, kapai seze a tika muduku, won hlai na mu gaŋa hlai n’amai ɗa edi, won hlai a mu tora eziɗi yai ɗa azumai, won hlai na mu miɗiɗi wiiɗi Siyon ɓa: Tiki ki ɗi ɗaiŋa ɗa.

¹⁷Zliya amai, ɵiya amai! Faka amai, tuku Yeruzalem, Tuku na ku ca war kup na wiini suwar na t'aŋ tini EPIƊ-ƊAI par, tuku na ku caŋ haa sin hirɗi hiɗi na pini ta, war kup zi turli humok par!

¹⁸Arbaɗi ali na te wiiɗi paŋ ɗa, ktai n’a ɵa wuzaku aŋ kai, arbaɗi na te wûliɗi amai ɗa, ktai n’a tipliti aŋ kaalai.

¹⁹Wazagai na gai jibi sulu sulu hanɗa, a za suku ya: Ɗif n’aga a tuwuku ɗa asiya ɗa? Kaarai gaini ɓilki-n’edi, Wiyamai gaini gaw lai. Ta m’asiya ɗa na kapai mu suku arai zi pi ɗa?

²⁰Aliku ɗa, e hini ɵimani futi waŋ waŋ, gdaŋ warɗi kai maini salak n’a yima warni azaw nɵa, gai ciini tini suwar na wiini EPIƊ-ƊAI ca ca gai giɵiri tini ɓarai na wiini Alaw na wiiku lai.

²¹Gai hanɗa paŋ, mu siiwuku, ɵina pɗem, Tuku Yeruzalem na kaŋ war gir, tuku na gaini ciini su, amma gaini vin kai!

²²EPIƊ-ƊAI a na muɗa, Alaw na wiiku, n’a zina piɗi ɗai na wiini, a na muɗa maini nɵa: tala mu na tikiti kup zi turli humok edi war tuku par, hirɗi hirɗi na wiini suwar na wiya, n’a hina azumai piɗi kup ɗa, agak caŋ kir kai.

²³Aga mu sitiɗi wiiɗi nagai n’e ɗika e zuku gir ɗa, n’e ɗika e muɗuku ɓa: Fana azumai, mi diri mi vigi! ku naka ku hiniɗi e hili amai duɓaku maini midini afti nɵa, maiɗi futi na ɗai doogo paŋ e vigi warɗi nɵa.