Read Mousgoum Esaya 52 Bible Online

Esaya 52 - Mousgoum bible

Esaya 52

¹Faka amai, Faka amai! Wa spakku suku, Yeruzalem! Wa sapaku na pɗamai ga ɗa suku, Yeruzalem, fuŋ n’abai na sɗik, Buri ɓa ɗif na gaziɗaŋ gaini ɗif na hi-hir aga e niyisi aha warku kir kai.

²Faka amai, ɵiɓa alogodo na suku edi tiɓ tiɓ, sumna azumai dam Yeruzalem! Pla jaɓ n’aŋ wulku ɗa edi, Siyon na juvi, tuku na ku an bagai

³Buri EPIƊ-ƊAI a na muɗa maini nɵa: e siki edi aŋ bagakai ɗa, e yimi farai miɗiki kai, aga mu bindikisi aha gaini farai kaalai.

⁴Buri Epiɗ-ɗai Alaw a na muɗa maini nɵa: Ɗai ɗa, ɗaiŋa e hili azumai war Egipte aŋ simni woni aŋ zak. Asakal par, ɗai n’Asiriya e siɗiɗi gir arɗi kadai meere.

⁵Tiyana ɗa, na wiya zamai na mu za won na ɗa a ma ɗa? -A miɗi na sini EPIƊ-ƊAI par- Buri ɓa ɗaiŋa e miliɗi edi ɗa e si farai midiɗi kai, nagai n’e ŋi midiɗi ɗa, e ɗûûli gaini firiyi na wiini rɗi n’amai -a miɗi na sin EPIƊ-ƊAI par-- yikiŋa aŋ miɗi war tirki ɵa kureɗ.

⁶Buri nɵa, ɗaiŋa aga e siɗi yikiŋa ɗa; Buri nɵa aga e siɗi war mefeŋ ni ɓa mu muɗa na ɗa mu Ta: mu na zaw lai.

⁷Amai midini huwaŋai ɗa, ni n’a ka labar na pɗem, n’a ɓaka midini ɵeɗ, n’a ka labar na sa firyi, n’a ɓaka midini pli n’edi, n’a miɗiɗi wiiɗi Siyon lai ɓa: Alaw na wiiku a pai ɗa, ezini ɗa a zuva gara.

⁸Hanɗa a wulaɗi ɗai na ku miliɗi aŋ zi heelek ɗa, e ɗûûli gaini wulaɗi amai, gai hlaiɗi paŋ e ɗûûli gaini firiyi; buri e tili EPIƊ-ƊAI gaini arɗi mal mal a na waisi aha war Siyon pra.

⁹Hlai n’a gzila azumai na Yeruzalem, gai hlaiki paŋ ɗûûli gaini firiyi! buri EPIƊ-ƊAI a na sa arai zi pi wiiɗi ɗaini, a na pliti Yeruzalem edi.

¹⁰EPIƊ-ƊAI a siŋka spakni na sɗik edi gaglai wuzani arɗi ɗai paŋ, koŋɗi yai na puɗu paŋ aga a tala pli n’edi na wiini Alaw na wiimu.

¹¹Fiki hili, fiki hili, niyisi edi woni par, ki titimi wala ktai na hi-hir kai, niyisi edi warɗi Babilon par, zi siki edi hilu, tiki na ki libi wazagai n’e zi sda na wiini EPIƊ-ƊAI gaini ɗa.

¹²Ki niyisi edi sek gaini pirmi kai, ki pri gai pri edi kaalai, Buri EPIƊ-ƊAI aŋ wuzaki su, Alaw na wiiɗi Izrayel aŋsi piki par su lai.

¹³EPIƊ-ƊAI a muɗa, Sleŋ na wiya ɗa aga a riya wuzani, aga a za aŋ ɗif n’abai, a wula haa amai, a nava kol n’abai gara lai.

¹⁴Viya aga e hûni wuzani maini n’e hûni wuzaki nɵa, Buri aga a tala arki ɗa, juf ktai sini kai, a tala aŋ ɗif kir kai, a siɗa maini ɗif murɗek ɵa kir kaalai.

¹⁵-Nɵa lai aga a bunda pinzibaɗi ɗai viya edi hilu gaini yem zi yimi. Wuzani ɗa, paakai aga simni hiyak, e miɗi seŋ kai. Buri ɓ'aga e tili wala naɗif a miɗiɗi ka midini kai, aga e ɵini ezini wala n’e ɵiniŋ ka duk kaalai.