Read Mousgoum Esaya 53 Bible Online

Esaya 53 - Mousgoum bible

Esaya 53

¹Labar n’a muɗa sumu ɗa, a yima pini asiya ɗa? n’EPIƊ-ƊAI a siŋka spakni arni ɗa asiya ɗa?

²A wula amai wuzani EPIƊ-ƊAI, maini tewe n’a pa sini luwuŋ nɵa maini sirdaini luwuŋ n’a diyasi azumai par arni afti na huleŋ nɵa; wala ktai n’aŋ sini pɗem, zaw na juva na mu tuluŋmu burini aŋ kai, wala ktai n’aŋ sini n’a kuku aŋ talaŋ aŋ kaalai.

³A nafu a ɗif na ɗai e diriŋ kai, ɗif jaani sini kaalai a ɗif zi siɗi gir, n’a hitra gir ɗa ta, kal kal maini ɗif na ɗai e bindi arɗi edi sini par nɵa, a ɗif na ɗai e miisiŋ gara, tumu mu duruŋmu kaalai.

⁴Paŋ ktai a liba ɗa a gir na wiimu, a tika midini ɗa a kayai na wiimu lai, tumu ɗa, mu hiinumu ɓa, a navaŋ ɗa a gir, a zini gir na ɗa a Alaw, a ɗif na hlai arni kir kai.

⁵Amma ni ɗa, e ɓiliŋ burini hi n’amai midini gadai n wiimu, e kirpiŋ azumai burini meefeŋ na wiimu, gir na mu nuvumu ɵeɗ burini ɗa a kɵa midini, pin wuruk n’a navaŋ ɗa, mu nuvumu zûûli lai.

⁶Mu ɗumu fu ɵar maini adumai gai haakai nɵa, asiya ɗi paŋ gaiɗi futini futini, amma EPIƊ-ƊAI a hinasi meefeŋ na wiimu paŋ a sumna midini.

⁷E zini gir, hlai ktai arni kai, amma a mala mini amai kai; maini adime n’e kiŋ war hlai zi fiɗi nɵa, maiɗi adumi na miɗi a muɗa seŋ kai, wuzaɗi ɗai n’e ɵi ayirɗi edi nɵa, amma a mala mini amai kai.

⁸Esiɗini gir arni, e ɗûkliti sariya midini lai; Arbaɗi nagai na war vnani ɗa, na hiinini haw a yimaŋ burini, buri ɓa e yimiŋ edi warɗi yai na wiiɗi ɗai na karɗi par, burini hi n’amai midini gadai na wiiɗi ɗaiŋa, burini gir n’a za sini lai ɗa, asiya ɗa?

⁹E ɓili waŋni arbani na wiiɗi na maafanai, amma yeɵni ɗa, gaini na wiiɗi zi farai, paŋ ktai a za wala ktai na meefeŋ kai, rhai war mini kaalai.

¹⁰EPIƊ-ƊAI a firya ɓa a vadaŋ edi gaini gir; Na ɓa ku zaŋli aŋ ɓaka zi zizini tuwur ɗa, pinzibani aga a za viya, mefeŋni aga a riya wuzani lai, wala paŋ n’EPIƊ-ƊAI a daraŋ ɗa aga va amai gaini ni lai.

¹¹Burini gir paŋ n’a libaŋ ɗa, aga a tala, aga a va gaini siɗi na wiini, ɵeŋŋa na jre ɗa aga a ka jre-ɗikat siɗi ɗai viya, aga a tika meefeŋ na wiiɗi midini lai.

¹²Buri nɵa, aga mu sini bri na wiini arbaɗi n’abakai, aga a ɓurwa der na pin gaw gaiɗi zi spak lai, buri a sa sini edi min mri gaini midini dama, e pɵiŋ arbaɗi ɗai n’e hi amai midini gadai, paŋ ktai a za hanɗa, buriɗi nagai n’e hi amai midini gadai.