Read Mousgoum Esaya 54 Bible Online

Esaya 54 - Mousgoum bible

Esaya 54

¹Ɗuula gaini firiyi, tuku muni na muɗaŋ, tuku na ku wa ahi kai! Ɗuula ɗuwa zi firiyi gaini zi rɗi n’amai, tuku na ku sɗa ŋiiba na wiini pûki kai! Buri ɓa aliɗi muni n’e hiniti edi ɗa ga e zi viya e sûwiɗi aliɗi muni na gai tiki aha dam ɗa: a muɗaŋ a EPIƊ-ƊAI.

²Riya hlai na ku pa gumuku woni edi; Baada tanta na midini hlaiku zi simni edi: Ku huna farai n’aga a baŋ ɗa kai! Riya mogoni sogom ɗa amai ta ta lai, pa luwoŋai n’e giŋi gumu edigaini ɗa, gaŋ ti, ku huna bini faraiku n’edi kai, ku pa grakai azumai, ku ɗiyaŋ amai pɗem, ku zizinaŋ gaini futini.

³Fuŋku aga a riya edi war galni hlai paŋ, aliku aga e tiki aŋ wiiɗi aftiɗi ɗai na ɵimaɗi paŋ, vilkai n’a hina edi aŋ basga kadai paŋ, aga e simni woni.

⁴Ku huna kai, siyer aga a ko muduku kir kai, aga ku nava miisi kir kai, aga ku tika siyer kir kai, muduku aga a wula gaini siyer na yimuku, won hlai na ku naka agwi hai, muduku aga a kɵa kir kai gaini tirki, eɗika aŋ tirkiku won hlai na ku naka war greŋ.

⁵Aga ku nava aŋ wusku zi tiki, ni n’a rgiku, EPIƊ-ƊAI zi spak paŋ, hanɗa a yikini, Alaw na sɗik na wiiɗi Izrayel, a ni n’a pluku edi, a ni na e yikiŋ ɓa Alaw na wiini afti paŋ.

⁶Maiɗi muni na gaini hini edi mak, war gir war haw, EPIƊ-ƊAI ku a na muɗa: ɓulmi zi tiki na war gaula, te kiɗa aŋ nava birgi n’edi ɗi?

⁷Mu hiniku edi buri hlai n’agwi, amma gaini diri n’a vadakai, aga mu wuyukusi a ha.

⁸Gaini suwar zi hiy, mu bunda ara edi suku pla, mu firiya aŋ tuluku wuzani ara kai, amma buri diriŋa n’a vada kai, mu hiinaɗi hiini na pɗem na wiya muduku, hanɗa muta EPIƊ-ƊAI na mu pluku edi.

⁹Aga mu za maini war mefeŋ na wiini Nowa nɵa, mu za ɵinini ha ɓa yem aga a tuura afti edi kir kai mu ha wala ma lai ɓa, mu za hiy suku kir kai, q aga mu zuku gir kir kaalai.

¹⁰Ɓa huwaŋai a muguza, boŋorai lai a zogo edi woni balamni par, amma diriŋa na buriku aga a vada edi kai zaŋ, bonuŋa na mu zaŋ gaiku buri aŋ suku ɵeɗ, aga a muguza duk kai zaŋ, hanɗa muta EPIƊ-ƊAI mu muɗuku wala hanɗa, buri diri n’aŋ wara buriku.

¹¹Yeruzalem tuku na haw, tuku na gaini kisiri edi kisar tini barawai, ɗif ktai n’a suku arai zi pi aŋ kai, amma muta EPIƊ-ƊAI aga mu rgiku amai gaini kriyitai na zarakai, aga mu tuura puku azumai gaini alifuŋ na zafai,

¹²aga mu rga midini zilagaku n’amai gaini alifuŋ na makalakai, mini magalaku gaini alifuŋ zi ŋili, ɵaga zi giɗam paŋ n’a gunuku amlai, aga a nava rgi gaini alifuŋ, na makalakai na bogrokai lai.

¹³Aliku paŋ aga e bindi aŋ ɗai zi hitri na wiya, aga e simni war ɓiki, warni ɵeɗ lai.

¹⁴War jre par aga ku gigiɗa kir kai, gir aga a nuvuku kir kai, ku huna wala kir kai, aga ku nava pli-n’edi tini siɗini gir par, meefiŋ aga torasi gobi gaiku kir kai.

¹⁵Ɓa ɗai e kiti miɗi aŋ fiki amai suku, seŋ hanɗa a halaɗi sa par kai, ɗif n’a faka amai suku, aga a kɵa azumai wuzaku.

¹⁶Tala muta na mu rga ɗif zi giɵi faifai, ni n’a vuvuwa afu zi morjo, n’a zizina wazagai zi hatam, muta pra lai mu zizina wazagai zamai, na kiɗa aŋ tuura wazagai zi gaw hanɗa edi lai.

¹⁷Kawai paŋ na e giɵiŋ suku aga a nava wala kai, meme paŋ n’a mala amai suku, aŋ pa seŋ muduku war sariya, sariya aga te ko midini, hanɗa a buriiri na wiiɗi ɗai zi ɵeŋ na wiini EPIƊ-ƊAI. Hanɗa te jre na te halaɗi sa par, a muɗa nɵa EPIƊ-ƊAI.