Read Mousgoum Esaya 56 Bible Online

Esaya 56 - Mousgoum bible

Esaya 56

¹Piyi war ɗikat, ki zi wala na tala jre, pli-n’edi na mu dara mu siŋɗi wiiɗi ɗai paŋ, a na gobi aŋ siŋka edi, aga ki siɗi ɓa mu firiya mu kûriki.

²Sleɗ midini ɗif na za pini wala na mu muɗaŋ, a ɗiya woni gdaŋ, a gada pini Sabbat a tuuraŋ edi kai, a giɗima sini aŋ za meefiŋ woni kai.

³Ɗif na morkoi n’aŋ gaini nigi ɓak sini EPIƊ-ƊAI, aga a hiina warɗi agulni ɗi aŋ muɗa kai ɓa, EPIƊ-ƊAI aga a birgaŋa edi arɗi ɗaini par, zaw ɗif na kuɓur aŋ muɗa kai ɓa, tili ta mu luwuŋ na hûliŋ.

⁴Buri nɵa EPIƊ-ƊAI a na muɗa: buriɗi kamkalakai na e giɗimi Sabbat ŋa, nagai n’e piyi aŋ zi diriŋa, n’e ɗiyi war bonoŋa lai,

⁵nagai aga mu siɗi hlai aŋ buriiɗi, amlai war dalam na wiya, aga mu sitiɗi fukuni n’aga yikiɗi a ɗoha siɗi, aga a bunda aŋ kol n’abai buriɗi, maiɗi ali na maɵagai gaiɗi na falakai nɵa, aga mu siɗi yiki na vada.

⁶Buriɗi ɗai na morkokai na nigi sini EPIƊ-ƊAI, n’e kûli yikini, n’e diriŋ lai, n’e zi ɵeŋni lai, buriɗi nagai EPIƊ-ƊAI a na muɗa: buriɗi nagai paŋ n’e giɗimi sabbatŋa, n’e tûriŋ edi kai, n’e ɗiyi war bonoŋa,

⁷aga mu kiɗi amai midiɗi huwuniŋa na sɗik, aga mu viɗi gaini firiyi n’abai, amlai warɗi dilimiya zi siiwa, wazagaiɗi zi ɓaka gaini wazagai zilike na wiiɗi, aga a co midini hlai zi ɓaka na wiya, buri dilimiya aga te yika aŋ dilimi zi siiwa buriɗi ɗai paŋ.

⁸Hanɗa a miɗi na wiini Epiɗ-ɗai Alaw, ni n’a tipiɗi amai zi ɵiri n’edi na wiiɗi Izrayel amai, pra aga mu diŋgiɗi ɗai zamai amai siɗi.

⁹Tiki wazagai na n’edi a basga paŋ, gaini wazagai n’edi arni luwoŋai paŋ, hilisi aŋ simi warɗi fete hanɗa.

¹⁰Nagai zi giɗam hanɗa paŋ e ɗi ɗai na malvanai, gaini hlaiɗi paŋ e siɗi wala ktai kai, e ɗa maini hirgakai n’a siɗa zûgûdi kai nɵa, na mini gaini ɓirtimi ɓurtum nɵa, na gaini fini azumai glo war kilini weseŋ,

¹¹e ɗi hirgakai na suma a va kai, e ɗi nagai zi giɗam hanɗa, e siɗi wala ktai kai, asiya paŋ a paya warɗi futini futini.

¹²Emiɗi: hilisi, hulumu aŋ sumu sul na ɗewek, dawai wuzamu maini na girna nɵa, sul aga a hina amlai viya.