Read Mousgoum Esaya 61 Bible Online

Esaya 61 - Mousgoum bible

Esaya 61

¹Sezeni Epiɗ-ɗai Alaw a na mada. EPIƊ-ƊAI a zaŋa aŋ Mesiyas, a ɵinaŋa aŋ ɓaka labar na pɗem siɗi ɗai na murgakai, aŋ zuliɗi ɗai n’agulɗi gaini kirpi azumai war gir, aŋ ɓiki ɵi n’anene na wiiɗi ɗai na war daŋgai, aŋ tili gaglai na wiiɗi futi,

²aŋ ɓaka edi midini buza zi hiinini haw na wiini EPIƊ-ƊAI, Mefeŋ zi wiyini vrakni tuwur wiiɗi gawni Epiɗ-ɗai Alaw na wiimu, aŋ siɗi arai-zi-pi wiiɗi ɗai na war tuwi,

³aga mu faɗa humokɗi ɗai zi tuwi na Siyon gaini kadamul, nkam aga mu sitiɗi abai na pɗem amma milini eviŋ na war humok kir kai, aga mu ma midiɗi yitir zi lûgizi na pɗem, na sa firiyi abai gara, amma kwimi zi tuwi kai, gaini wiini sapa zi kol, amma gaini hiini zi kwimi warɗi agul kai, kapai e kitiɗi gaini luwoŋai na sa kol wiini yikini EPIƊ-ƊAI, maini vowai zi luwuŋ Terebente n’a siŋkiti edi abai na pɗem na wiini jreni EPIƊ-ƊAI.

⁴aga e rgi amai hlai na wel n’a ho azumai, gaini dalamai n’a haɗa azumai lai, aga e zizini amai vilkai na naka gaini tûûri edi kok aŋ basga, haa won hlai n’avut par.

⁵Ɗai na morkokai aga e zi aŋ ɗai zi giɗimi faraiki, aliɗi ɗai n’edi gaigai par aga e gûri war vowaiki, aga e hirmi pini luwaŋaiki zi vin lai.

⁶Amma tiki, aga e yikiki ɓa paakai zi ɓaka na wiini EPIƊ-ƊAI, aga e miɗi gaiki ɓa tiki kiɗi ɗai na war ɵeŋ na war sdani Alawmu, der na pɗemai paŋ na wiiɗi ɗai na yai, aga a za aŋ wala zi simi wiiki, aga ki nivi ɓiki wuzaki abai gaini farai na wiiɗi.

⁷EPIƊ-ƊAI a muɗa: avut kiɗi fu war siyer n’abai, buri na wiiki a nafu ɗa a tirki gaini miisi, na ɗai e ziŋki, buri nɵa tiyana yaiɗi aga te bunda aŋ wala zi blum na wiiki, aga ki simni war firiyi n’abai na vada kai.

⁸Muta Alaw mu firiya a wala na hala ɗikat, mu bla gaw sini hil gaini fiɗini mok, aga mu sa siki a wala na na aŋ buriɗi na wiiki, aga mu za gaiki bonuŋa n’a vada kai.

⁹Piŋ- zibaki aziɗi aga a wa edi arbaɗi ɗai paŋ, ɗai paŋ aga e tiliɗi e siɗiɗi lai, ɓa e ɗi ɗai na war pinziba n’Alaw a ɓikiɗi.

¹⁰Aga mu firiya abai war Alaw, suŋfaɗi agula a gigizila gaini firiyi n’abai, buri a waŋa sapa zi kûri sa, a baraŋa drani na wiiɗi jreni sa, maini ɗif n’a tikiti muni drai hai nɵa, a zizina sini gaini sapa zi fete,

¹¹Buri ɓa maini afti n’a hinasi seyemni a diya amai nɵa, maini zardeŋ n’a diyasi seyemni amai nɵa lai, EPIƊ-ƊAI.