Read Mousgoum Esaya 66 Bible Online

Esaya 66 - Mousgoum bible

Esaya 66

¹Buri nɵa EPIƊ-ƊAI a na muɗa: hlai n’amai a paramaiŋa, afti n’azumai a bubur n’aza. Dulumi na ɗai e kiɗi aŋ rgitiŋa te na wa ɗa? dilimi na mu kiɗa aŋ sumna woɗi te na wa ɗa?

²Wazagai paŋ na ki tiliŋ hanɗa mu zaŋ muta, a nava simnini na karni paŋ gaya ta, mu na miɗiki muta EPIƊ-ƊAI, ɗif na tala wuzani ara pɗem asiya ɗa? Ɗif na haw, a ɗif na sezeni gaini hûsi wuzani ara.

³E fiɗi gari su aŋ wala zi ɓaka, e fiɗi ɗif lai e fiɗiti adumi su, e fiɗi hirge lai, e kisi wazagai zi like, e kisi felni hoho lai, e yi wazagai zi ɓaka, amma e ɓiki gaini a yikini alawai na kadai, ɗai hanɗa a jre zaŋ, e viriti futiɗi gaini midiɗi dama, e firiyi gaini wazagaiɗi zi zi na haharai.

⁴Ta lai mu vara warɗi agula aŋ siɗi edi burini meefiŋɗi, aga mu kasi midiɗi gir n’aga a turiɗi edi. Buri nɵa mu yika, ɗif ktai kaw a ɵinaŋa kai, mu muɗa seŋ e ziɓiriŋa kai, e zi wuzani ara a wala na meefiŋ, e viri aŋ zi a wala n’a firiya agula kai.

⁵Slini seŋ na EPIƊ-ƊAI a dara aŋ muɗaŋ, tiki na ki firiyi aŋ yimi seŋni, tawalakaiki e miisiki burini yikiŋa, e birgiki edi, e miɗi siki gaini anya, ɓa EPIƊ-ƊAI a na ɗa, a siŋkiti abaini na pɗem aryi haw.

⁶Slini wûle a n’a wasi a ha war fuŋ n’abai par, amlai warni tempel par, hanɗa a wulani EPIƊ-ƊAI, a firiya a waya vrak wiiɗi gawni, buri wala na e ziŋ ɗa.

⁷Wuzani hlai na ŋiba na wiini pûki a yimiti sek, te poko puk, wuzani hlai na gir na wiini siŋki a ymiti sek, te wa ahi na wus bu.

⁸Wala hanɗa ɵimani ɗif a ɵinaŋka duk kai, kai ɗi? Arni ɗif kaw a talaŋka duk kaalai kaiɗi? Yai te kiɗa aŋ rga amai girvudi ktai ɗi? Yai te kiɗa aŋ zizina amai war Mefeŋ ktai tizaw ɗi,

⁹EPIƊ-ƊAI a zilba: Afti a tika pini war yivai ktai ɗi? pinziba a wa war yivai ktai lai ɗi? ɓa mu sa futi siɗi muni aŋ ziya ahi warɗi tile ɵeŋe, mu kiɗa aŋ ɗiliti aŋ poko edi ahi na warɗi ɗi? Na ɓa muta na mu sa suŋfa ɗa, mu ɗala hanɗa buri a kiɗa aŋ za kaiɗi?

¹⁰Tiki na ki diriti Yeruzalem gara, ki firiyi, firiyi gaiɗi, tiki na kiɗi ka aŋ tûwi midiɗi gara, buri gir na tena ka woni.

¹¹Aga ki nivi arai-zi-pi abai na na aga te siŋki, maini akoɗokoi na mini fiyawɗi emini, na saŋ gaini firiyi n’abai gara nɵa.

¹²Buri nɵa EPIƊ-ƊAI a na muɗa: tili aga mu ɵinasi warɗi ɵeɗ n’abai maini yem-ra nɵa, maini yem zi ki na suma hlai wuzani sek abai nɵa.

¹³Maiɗi ami na te sini arai-zi-pi wiini ahiɗi nɵa, ta lai aga mu siki arai-zi-pi, nkam a ha warɗi Yeruzalem aga ki nivi arai-zi-pi.

¹⁴Gaini arki aga ki tili, agulki aga te va gaini firiyi, keɵkeki aga a goɗo maini efek nɵa, EPIƊ-ƊAI aga a ŋa spak buriɗi ɗaini zi sda, amma wiiɗi gawni aga siŋkitiɗi suwarni.

¹⁵Buri nɵa tili EPIƊ-ƊAI a na gizi arbani afu, saretaini zi gaw a na maini berber nɵa, a na halasi aŋ siŋkiti suwarni, gaini higi n’abai, gaini afu zi yi.

¹⁶Nkam EPIƊ-ƊAI a na halasi aŋ ziti sariya, wiiɗi ɗai paŋ gaini afu gaini kaɵkar lai, viya aga e nivi fiɗi n’edi tini EPIƊ-ƊAI par.

¹⁷Mu muɗa siɗi ɗai na e zi siɗi edi aŋ sɗik, kapai e niyi amlai warni jardiŋɗi na sɗik, e giri siɗi duɓani paiɗi zi ɓaka lai, nagai e limi niŋni hoho lai, gaini wazagai na haharai, gaini awsi lai.

¹⁸Nɵa ta lai, sdaɗi gaini hiiniɗi a na wuzani ara, aga mu hala mu diŋga won hlai ktai, pinzibaɗi ɗai paŋ gaini meme meme paŋ, aga e hilisi aga e tiliti abaiŋa na pɗem.

¹⁹Aga mu tika marbaɗi wala zi siŋkiti abaiŋa, nagai n’aga e simni karɗi asakalɗi ziɗi sariyaŋa par, ta aga mu ɵiniɗi edi arbaɗi ɗai na kadai, zar Tarsis, war Pul, war Lud ɗai zi ɵiɓi ɓaraw, a haɗi ɗai na Tubal, na Yavan gaini yai na edi gaigai lai.

²⁰Ɗai aga e kiɗisi tawalakaiki, na eɗisi ka edi war pinzibaɗi ɗai zamai paŋ, aŋ wala zi like na wiini EPIƊ-ƊAI, gaini plasai, gaini saretai, duɓani ablehökai, duɓani ɵigini lai haa midiɗi huwuŋi na sɗik na Yeruzalem.

²¹EPIƊ-ƊAI a muɗa: arbaɗi aga mu viriɗi paakai-zi-ɓaka gaiɗi levitekai lai.

²²Nkam maini mu za hlai n’amai hehe gaini afti paŋ hehe lai, maini a za simnini wuzani ara haa kureɗ nɵa, nɵa lai piŋ-zibaki gaini yikiki aga a za maini nɵa lai.

²³Nɵa tile tile paŋ, war Sabbat Sabbat paŋ, ɗai paŋ aga e hûrgi azumai wuza ta EPIƊ-ƊAI.

²⁴Ɗai aga e hilisi e tili kopoŋ na wiiɗi ɗai, na e fiki amai sa, a tala na limiɗi a mra kir kai, afu n’a yiɗi a mra kir kaalai.