Read Mousgoum Levitekai 11 Bible Online

Levitekai 11 - Mousgoum bible

Levitekai 11

¹EPIƊ-ƊAI a miɗini wiini Musus gaini Aaron:

²K miɗiɗi wiiɗi alɗi Izrayel maini nɵa: Wazagai na ezini puɗu puɗu na midini afti n’aga ki limiŋ ɗa a hanɗa:

³Wazagai na gaini tetrek n’ezini gaini ɓisi ca ca n’a hirɗa ɗa ki kiɗi ki limiŋ.

⁴Wazagai na hiŋɗa gaini wazagai na tetrek ezini n’aga ki limiŋ kai ɗa a hanɗa: Zligini, buri ni a hiŋɗa, tetrek ezini kai a wala na hi-hir buriki,

⁵Meneve na sini huwuŋ, a hiŋɗa, amma tetrek ezini kai, a wala n hi-hir buriki.

⁶Meneve ki limiŋ kai buri a hiŋɗa, amma tetrek ezini kai, a wala na hi-hir burki.

⁷Hoho, ki limiŋ kai buri tetrek n’ezini gaini ɓisi kai, amma a hiŋɗa kai, a wala na hi-hir buriki.

⁸Ki limi neŋni kai, ki tiki tiki sini kopoŋni kaalai, a wala na hi-hir buriki.

⁹Wazagai n’arni yem n’aga ki simiŋ ɗa a hanɗa: N'a na war yem-ra n’abai, zaw war yem-ra, wazagai n’a zila gaini zi fotorok;

¹⁰Amma na wala n’a zila gaini aŋ kai ɗa, fotorok sini kaalai ɗa, ki simiŋ kai,

¹¹aga a hina aŋ wala zi ɗili buriki, ki simiŋ kai, ki tiki tiki sini kopoŋni kaalai.

¹²Wala n’arni yem paŋ, na wala na sini n’a zila gaini aŋ kai, na fotorok sini kaalai ɗa, aga ki simiŋ kai.

¹³Wala zi ɗufli n’aga ki tiliŋ aŋ wala na hi-hir, n’aga ki limiŋ kai buri aŋ gaini ɗili ɗa a hanɗa: Muka, kinini Muka, Muka n’arni yem,

¹⁴Egûs pinzibani beges na kiini kiini,

¹⁵pinzibani zeleke na kiini kiini,

¹⁶Elket, pinzibani hukturuk n’e yikiŋ ɓa: Suwet, ameremer, pinizbani tereŋ na ini kiini,

¹⁷Hukturuk, tetekem, huturuk n’e ykiŋ ɓa: Sahuraŋ,

¹⁸Huturuk n’e ykiŋ ɓa: Efre, zeleke n’e yikiŋ ɓa: Korney, Koklo,

¹⁹Sahaw, pinzibani Helim na kiini kiini, Wala zi ɗufli n’e yikiŋ ɓa: Hup gaini kirfe-kirfe lai.

²⁰Wazagai n’agogoi zi baada n’azi pini puɗu puɗu paŋ aŋ gaini ɗili buriki.

²¹Amma aga ki limi wazagai n’agogoi zi baada n’a hala midini ezini puɗu n’a kiɗa a pra gaini lai ɗa,

²²na ki kiɗi aŋ limiŋ ɗa a hanɗa: Aɗaɗiga, grimgrim, jere, Apiyapiyai gaini cece.

²³Amma na zamai paŋ aŋ gaini ɗili, koo na ɓa azi pini puɗu puɗu tekeɗeɗi.

²⁴Pra wazagai hanɗa a bunda ɗif hi-hir, asiya ɗi paŋ na sini a tika li sini kooŋni a bunda hi-hir haa koskoi.

²⁵Ɗif paŋ n’a luba kopoŋni li, aga a ma sapani edi lai, ni a hi-hir haa koskoi.

²⁶Wazagai n’ezini puɗu puɗu paŋ, na tetrekni ezini gaini ɓisi kai, a hiŋɗa simini kaalai, a wala na hi-hir buriki. Asiya ɗi paŋ n’a tika tini sini li a bunda hi-hir lai.

²⁷Wazagai n’ezini puɗu puɗu paŋ n’a hala amai midini buburni ezini, a wala na hi-hir buriki. Asiya ɗi paŋ na sini a tika li sini kopoŋni ɗa, a hi-hir haa koskoi.

²⁸Asiya ɗi paŋ n’a luba kopoŋni li, a hi-hir haa kosoi, aga a ma sapani edi lai, buri a wala na hi-hir buriki.

²⁹Wazagai n’agogoi n’a hidila midini afti na haharai buriki a hanɗa: Emini kusum, awusi, pinzibani ahuwel n’abakai na kiini kiini,

³⁰ɗeŋdeŋ, agalgaɓa Flor, kirfike, ahuwel na sini boguro maini ɵimani luwuŋ na hirnaŋ ɵa gaini maŋaliya lai.

³¹Hanɗa a wazagai na haharai n’arbani wazagai n’agogoi zi hidili, asiya ɗi paŋ, n’a tika sini li sini, koo gaini mri su tekeɗeɗi a hi-hir haa koskoi.

³²Wazagai zi hidili hanɗa, na ɓa a mra mri a tika li sini wala ɗa, koo ɓa a na wata ɗi wala ni ɗa a bunda hi-hir, ɓa a tasa zi luwuŋ zi kilɗi zaw, ɓa a sapa zaw, ɓa amur zaw, ɓa a sak zaw, gulaini ɓa wala n’e zi sda gaini paŋ e miŋ edi gaini yem, a hi-hir haa koskoi ta. Asakal par a hilu.

³³Na ɓa ktai arbani wazagai zi hidili hanɗa a kɵa war grak z'afti, wazagai n’aŋ warni paŋ a bunda hi-hir, ki gɵi grak hanɗa edi.

³⁴Na ɓa e ɗa e mi yem na war grak hanɗa edi, a ma li sini wala zi simi ɗa, koo ɓa a na wata ɗi, aga a bundaŋ hi-hir Nɵa lai, koo ɓa a wala zi ci na pɗem tekeɗeɗi aga a bunda hi-hir ɓa koo a na war wala na maɵa ɗi paŋ.

³⁵Na ɓa ktai arbani kopoŋni wazagai hanɗa a kɵa sini wala su, wala ni ɗa a bunda hi-hir, na ɓa a wala n’e di simi warni ɵa zaw, lûwit ɗi, kiɵiŋ edi buri a hi-hir, ki tiliŋ maini wala na hi-hir nɵa.

³⁶Amma na ɓa a kɵa war hlai zi liwi yem zaw, zaw warɗi keleŋni ɗi, yem na warni a pɗem, a hilu, amma ni n’a tikasi kopoŋ hanɗa arni yem par a bunda hi-hir.

³⁷Na ɓa kopoŋni wala ktai n’arbani wazagai na haharai hanɗa a kɵa midini ali seyem, alini seyem hanɗa a hi-hir kai.

³⁸Amma na ɓa, hlai n’a kɵa a nava ali seyem arni yem sa kapai e diŋ, a bunda hi-hir, aga ki tiliŋ aŋ wala na hi-hir.

³⁹Na ɓa wazagai n’ezini puɗu puɗu n’aŋ gaini ɗili kai tekeɗɗi, na ɓa a mra kiini ɗa, ɗif a ɵa wulani kai ɗa, ɗif n’a tika tini li sini ɗa a hi-hir haa koskoi.

⁴⁰Ni n’a luma neŋni wala hanɗa li, aga a ma sapani edi, a hi-hir haa koskoi, ni n’a liba kopoŋ hanɗa edi ɗa aga a ma sapani edi, a hi-hir haa koskoi lai.

⁴¹Wazagai n’agogoi n’a hidila midini afti paŋ aŋ gaini ɗili, aga ki limiŋ kai.

⁴²Wazagai n’agogoi n’a hidila midini afti, n’a hidila gaini warni zaw n’a hala midini ezini puɗu, zaw midini azi viya a suwa tekeɗeɗi, aga ki limiŋ kai buri aŋ gaini ɗili.

⁴³Ki gilisi tusa miɗiki dama gaini titimini wazagai hanɗa n’a hidila hanɗa kai, ki zi siki haharai gaini hanɗa kai, ki bindi siki haharai gaini wazagai hanɗa duk kai zaŋ.

⁴⁴Buri Ta m’Epiɗ-ɗai Alaw na wiiki, nɵa aga ki zi siki edi sɗik, kapai ki simni sɗik buri Ta mu na sɗik. Aga ki bindi siki haharai gaini miɗiki dama gaini titimini wazagai n’a na muguza midini afti ɗa kai.

⁴⁵Buri mu milikisi azumai war Egipte par amai na muta EPIƊ-ƊAI, kapai mu sumna aŋ Alaw na wiiki, buri nɵa aga ki simni sɗik, buri Ta mu na sɗik.

⁴⁶Hanɗa a gadai na midini wazagai n’ezini puɗu puɗu, midini wazagai zi ɗufli gaini wazagai na karni n’a na muguza arni yem, zaw n’a na hidila midini afti paŋ.

⁴⁷Gadai hanɗa a na buri a za ɓraw arbani wazagai na haharai gaini na hilu, arbani wazagai n’ezini puɗu puɗu n’e kiɗi aŋ limiŋ gaini n’e limiŋ kai.