Read Mousgoum Levitekai 12 Bible Online

Levitekai 12 - Mousgoum bible

Levitekai 12

¹EPIƊ-ƊAI a miɗini wiini Musus:

²Miɗiɗi wiiɗi aliɗi Izrayel ɓa: Won hlai na muni zi ziyi te poko li ahi na wus ɗa, te hi-hiri haa mefeŋ muguzak, kal kal maini war mefeŋ na wiini walaɗi falakai nɵa.

³Mefeŋ n’ag'aŋ mitwis ɗa e ɵini gûrgle wiini arwagwi.

⁴Asakal par te za mefeŋ doogo doogo hu pi hu, siɗi a siita, te tika tiɗi sini wala sɗik, te hala war Hlai na sɗik kaalai haa mefeŋ hanɗa a vada.

⁵Na ɓa te pûkûti t'ahi na muni, te hi-hiri haa kosku sulu kal kal maini war mefeŋ na wiini walaɗi falakai nɵa. Asakal par te baiya haa mefeŋ doogo doogo ɵaara pi ɵaara kapai siɗi a siita.

⁶War vidini mefeŋ na wiini siɗi zi siiti ɗa, koo a wiini ahi na wus, zaw na wiiɗi ahi na muni ɗi ɗa, te kiini adime na buza ɗaw wiini pai zi ɓaka burini ɓaka zi yi, dere ktai zaw, mugɵiwi ktai buri ɓaka na burini tuwur edi mini gumu n’e nivi gaini EPIƊ-ƊAI woni.

⁷Pai zi ɓaka a kaŋ wuzani EPIƊ-ƊAI, Won hlai n’a za de na wiini hinini tuwur midiɗi li, asakal hanɗa muni na ɗa te bunda edi hilu burini pûkûɗi. Hanɗa a gadai na buriɗi muni na te poko ahi na wus zaw ahi na muni.

⁸Na ɓa muni gdaŋɗi a suma wûrini adime kai ɗa, te kiɗa te kasi mugɵuwi sulu zaw dere sulu, na ktai e zi ɓaka zi yi gaini, na ktai e zi ɓaka na burini tuwur gaini lai. Won hlai na pai zi ɓaka a za de na wiini hinini tuwur midiɗi li, te bunda edi hilu.