Read Mousgoum Yeremiyas 13 Bible Online

Yeremiyas 13 - Mousgoum bible

Yeremiyas 13

¹EPIƊ-ƊAI a muɗa maini nɵa: Hala, ku wura santir zi leŋ yaw, ku rgaŋ wuzaku, aga ku mulaŋ arni yem kai.

²Mu wura santir ni ɗa maini n’EPIƊ-ƊAI a muɗaŋa nɵa, mu rgaŋ wuza lai.

³EPIƊ-ƊAI a muɗaŋa azi n’ag'aŋ sulu pra ɓa:

⁴Mula santir na ku wuraŋ, n’aŋ wuzaku gaini rgi ɓak ɗa hala gaini sini ra na Öfrata, woni ku ŋoyaŋ warni baŋa n’arbani huwuŋ.

⁵Mu hala, mu ŋoyaŋsi ɵimani Efrat cok maini n’EPIƊ-ƊAI a muɗaŋa nɵa.

⁶Mefeŋ yaw asakal par, EPIƊ-ƊAI a muɗaŋa: Hala sini ra na Öfrata, woni par ku mulasi santir na mu muɗuku ɓa ku ŋoyaŋ warni ɗa.

⁷Mu hala warni ra Öfrata aŋ paya hlai na mu ŋoya santir woni ɗa, mu mulaŋsi ta yaw, amma santir ɗa, mu navaŋ gaini tûûri kok, a nafa wala kir kai.

⁸EPIƊ-ƊAI a muɗaŋa ɓa: EPIƊ-ƊAI a na muɗa maini nɵa, kûlini-si na wiiɗi Yuda, kûlini-si n’abai na wiiɗi Yeruzalem ɗa aga mu tuuraŋ edi maini hanɗa nɵa.

¹⁰Ɗai na maafanai n’e diri e yimi seŋŋa kai hanɗa, n’e hili pini hriŋ na wiiɗi agulɗi, n’e hili pini alawai na zamai aŋ zi ɵeŋni, n’e hûrgi azumai wuzani lai ɗa, a zuva ɓa e bindi maini santir n’a nafa wala kai hanɗa ɵa.

¹¹Buri ɓa mu rgiɗi ɗai na Izrayel gaiɗi na Yuda wuza maini ɗif n’a rga santir wuzani nɵa, a miɗi na sini EPIƊ-ƊAI par, kapai e zi aŋ ɗaiŋa, yikiŋa a wa aŋ kol na wiya, aŋ abai na wiya lai, amma e ɵini ma kai.

¹²Aga ku miɗiɗi seŋ hanɗa, Epiɗ-ɗai Alaw na wiiɗi Izrayel a na muɗa maini nɵa: Kene kene paŋ ɗa a na buri e viŋgaini vin, aga a muɗuku ɓa: Tiyi mi siɗi ɓa, kene kene paŋ ɗa a na buri ɓa e viŋ gaini viŋ kai ɗe?

¹³Nɵa ki miɗiɗi ɓa: EPIƊ-ƊAI a na muɗa maini nɵa: Ɗai na midini afti hanɗa paŋ, paakai n’e simni midiɗi Paramai zi pay na wiini David ɗa, paakai zi ɓaka, ɗai na mini Alaw gaiɗi ɗai na Yeruzalem ɗa paŋ aga mu ciiniɗi tlis.

¹⁴Aga mu digiɵiɗi midiɗi siɗi marɗi, tamai gaiɗi aliɗi, kapai e vidi marɗi edi, a miɗi na sini EPIƊ-ƊAI par, aga mu hina ɗif ktai piɗi kai, mu hiina haw burini ɗif kai, mu za pɗem sini ɗif ktai kaalai, wala n’aga a ɗalaŋa buri mu vidiɗi edi kai aŋ kai.

¹⁵Slini pɗem, zigi ɵimaki, kûli siki kir kai,

¹⁶ki si kol sini wiini Epiɗ-ɗai Alaw na wiiki, wuzani hlai n’a kasi gegeŋ ɗa, wuzani hlai n’eziki a daba sini huwuŋ koskoi. Tiki ki biyi a girvudi, amma EPIƊ-ƊAI aga a bundaŋ aŋ gegeŋ na tekeɗim.

¹⁷Na ɓa ki ɵini kai ɗa, aga mu tuwa war kuɗuhai buri kûlini-si na wiiki, aga mu tuwa, ara aga a ka tuwi buri fara na wiini EPIƊ-ƊAI aga e kiŋ edi aŋ bege.

¹⁸Miɗini wiini pai gaiɗi emini pai ɓa: Simni azumai kadai buri ɓa bogorai zi pay na midiki ɗa te kɵa azumai su.

¹⁹Fuŋ n’abakai n’amai a Negev sek ɗa, mini a doogo dug dug, -ɗif n’a malaŋ edi aŋ kir kai, ɗai na Yuda paŋ e kiɗi edi midini afti zamai, e kiɗi edi gaini hlaiɗi paŋ.

²⁰Yima arku amai, tiliɗi gawku e ɗa hilisi war gal n’azumai par, fara na mu suŋku war tuku aŋ wata ɗa? Adumai na ku naka ku kola suku gaini ɗa aŋ wata ɗa?

²¹Aga ku muɗa a maɗa? Won hlai n’aga e zilbuku muku ɗa? Ku hitriɗi aŋ simi suku par buri ɓa e ɗi marmakaiku ɗa, ku tuku, ŋiba aga a yumuku maini ŋiba na wiiɗi muni na te dara te poko nɵa.

²²Na ɓa ku zilba suku ɓa wala a za ɵa buri maɗi ɗa? E pili sapa na puku edi, e fini gaiku gaini gdaŋ lai na ɗa, burini meefeŋku na viya ɗa.

²³Ɗif na murɗek ɗa a kiɗa a bunda amur sini ɗi? Ahiriwi ɗa te kiɗa te bunda zere na siɗi ɗi? Tiki na ki hitri ca aŋ zi meefeŋ ɗa, ki kiɗi aŋ zi wala na pɗem ɗi?

²⁴Aga mu ɵiriɗi edi maini evek na smer n’edi warni basga a tikaŋ ɗa nɵa.

²⁵Hanɗa a gal na wiiki, a bri na ta mu kataŋ buriki, a miɗi na sini EPIƊ-ƊAI par, buri muduku a wula gaya, ku tika hiiniku ɗa midini eles

²⁶Aga mu yima mini sapaku ɗa haa amai arku, aga ɗai e tili gaŋalaku.

²⁷Mu tala maɵaraku ɗa, tuwiku na maini plasai ɵa ɗa, zawarku zi siyer ɗa n’amai midini boŋorai, gaini n’edi warni basga. Mu tala sdaku na haharai ɗa paŋ. Yeruzalem, haw gara buriku, tuku na ku na hi-hir, aga ku sumna woni ɵa haa kaswata ɗa?