Read Mousgoum Yeremiyas 17 Bible Online

Yeremiyas 17 - Mousgoum bible

Yeremiyas 17

¹Tuwur na wiiɗi Yuda aŋ gaini ɗû gaini bik zi kawai, gaini kreyon zi diyaman, aŋ gaini ɗû warni agulɗi sini miyok na wiini gûwiŋ zi ɓaka ɗa lai.

²Nɵa aliɗi, midiɗi aga a kɵa gaini gûwiŋ zi ɓaka gaini luwoŋai zi pi z'alaw n’e piŋ ɵimani luwuŋ n’a na guɗa mdini boŋorai na mogokai.

³Amai midini huwoŋai n’edi war basga, derku gaini godaiku paŋ ɗa, aga mu siŋɗi wiiɗi ɗai aŋ der na mini gaw, gaini hlaiku zi ɓaka paŋ burini tuwur na wiiku na ku zaŋ midini aftiku paŋ.

⁴Tuku dama aga ku hina bulum, na mu suŋku ɗa edi, aga mu bunduku aŋ bege na wiiɗi gawku, midini afti na ku sɗaŋ kai, buri tiki ki yibi afu na wiini suwarŋa amai, aga a ya ɵa haa kureɗ.

⁵EPIƊ-ƊAI a na muɗa maini nɵa: Ɗif n’a pɵa midini ɗif murɗek ɗa, n’a paya znaini war tiɗi ɗai par, n’a bunda arni edi sini EPIƊ-ƊAI par lai ɗa, tuusa aŋ midini.

⁶A na maini kuɓ kuɓ na midini afti na kooloŋ nɵa, a biyiti pɗem ɗa, amma te cosi arni kai, a sumna war hlai zi yi n’edi war basga na kaɗataŋ, midini afti zi hum na ɗai warni kai.

⁷Sleɗ midini ɗif n’a pɵa midini EPIƊ-ƊAI, ni n’EPIƊ-ƊAI a bayai na pini ɵeɗ na wiini.

⁸A na maini luwuŋ n’e piŋ ɵimani yem, na sirdaini a ruva sini hlai zi yem sek, hlai z'afu a zaŋ kai, ɵimani aŋ gaini gûɗi ɵa kureɗ. War buza zi koɓro tekeɗeɗi wala ktai n’a huwuyaŋ aŋ kai, a wa ali wuzani sek.

⁹Agulni ɗif jreɗi aŋ kai a suwa wala paŋ, te kiɗa aŋ zuula kai, na a kiɗa a siɗiti ɗa a siya ɗa?

¹⁰Ta EPIƊ-ƊAI ɗa mu fufuka agul, mu sɗa n’a na amlai warni hiini na wiini ɗif lai, mu sa sini a siya paŋ pini payaini, pini alini sdani.

¹¹Ɗif n’a za farai war jre kzi ɗa, a na maiɗi yuguri na te bla eɵeni gak gak nɵa, arbani hlai ta ɗa, faraini a yima edi sini par, sini vidini ta ɗa, a bunda maini ɗif zi dûûli nɵa.

¹²Ni ɗa a Paramai zi pai n’a ŋala gara, n’a na amai haa war piɗi yai zi tiki par, a hlai na wiini hlaimu na sɗik.

¹³EPIƊ-ƊAI, biyi na pin ɵeɗ na wiiɗi nagai paŋ n’e hinuku edi ɗa aga e tiki siyer, nagai n’e zigi edi suku ɗa, yikiɗi aga a ɗo arbaɗi nagai na war hlai zi mri, buri e hini EPIƊ-ƊAI na hlai zi liwi yem na karni ɗa edi.

¹⁴Zuulaŋa EPIƊ-ƊAI, kapai mu zuula, kurɗaŋa kapai mu kurɗa, buri yama zi kol na wiya ku tuku.

¹⁵E zilbiŋa ɓa: Seŋ na wiini EPIƊ-ƊAI ɗa aŋ wata pra! a va amai kir ka!

¹⁶Amma ta ɗamu bula edi suku aŋ za aŋ ɗifku zi giɗimi kai, mu paya mefeŋ zi gir hanɗa kai, tuku ku sɗaŋ ya, wala na a niyaɗi warni ma par ɗa a na wuzani arku.

¹⁷Ku bunda buriya aŋ wala zi mili hunai kai, tuku na ku hlai zi ŋoyai na wiya warni mefeŋ zi gir.

¹⁸A zuva ɓa nagai n’e ziŋa gir ɗa e tiki siyer, amma ta ɗa mu tika siyer kai. A zuva ɓa hunai n’abai a yimiɗi, amma ta ɗa, hunai n’abai a yimaŋa kai, hinasi mefeŋ zi gir midiɗi, ku vidiɗi edi marwai.

¹⁹EPIƊ-ƊAI a muɗa maini nɵa: Hala ɗiya mini porte na wiiɗi ɗaiŋa ɗa, na paakai na Yuda e niyi aha suku woni ɗaw ɗa, gaini mini porte na Yeruzalem ɗaw lai,

²⁰ku miɗiɗi ɓa: Slini seŋ na wiini EPIƊ-ƊAI, tuku pai na Yuda, gaiɗi ɗai na Yuda paŋ, gaiɗi ɗai na Yeruzalem lai, tiki na ki ɗa niyi aha war mini porte hanɗa,

²¹EPIƊ-ƊAI a na muɗa maini nɵa: Ki giɗimi siki pɗem, ki libi zak war mefeŋ na wiini Sabbat kai, ki wiŋsi aha mini porte na wiiɗi Yeruzalem ɗa kai.

²²Zak n’aha warni dalamki par ɗa, aga ki libiŋsi anene war mefeŋni Sabbat kai, ki zi sda ktai kai, mefeŋ na wiini Sabbat ɗa, ki ziŋ aŋ sɗik maini na mu miɗiŋɗi wiiɗi tamaiki nɵa.

²³Nagai e diri e ɵini kai, e diri e zigi ɵimaɗi ma kai, e ziti agulɗi gdaŋ ta kapai e ɵini kai, e yimi gadai kaalai.

²⁴Na ɓa ki ɵini li jre jre, a miɗi na sini EPIƊ-ƊAI par, na ɓa ki wiisi zak ɗa aha mini porte na wiini fuŋ n’abai hanɗa warni mefeŋ na wiini Sabbat kai, na ɓa ki yimi Sabbat ɗa li aŋ meefeŋ na sɗik, na ɓa ki zi sda ktai warni mefeŋ hanɗa kai ɗa,

²⁵nɵa paakai gaiɗi ɗai n’abakai ɗa aga e niyisi aha warni mini porte na wiini fuŋ n’abai hanɗa ɗaw, aga e simni midiɗi Paramai zi pai na wiini David, aga e niyisi aha gaini saretai, gaini plasai lai. Nagai gaiɗi ɗai n’abakai gaiɗi na Yuda, gaiɗi ɗai na Yeruzalem ɗa lai. Fuŋ n’abakai hanɗa aga a ɓurwa gaiɗi ɗai kai ɵa haa kureɗ.

²⁶Ɗai aga e hilisi warni fuŋ n’abakai na Yuda par, war fuŋ n’edi ɵimaɗi Yeruzalem par, midini afti na wiini Benyamin par, war Sefela par, amai midiɗi huwuŋ par, a Negev par, aŋ kisi ɓaka zi yi gaini ɓaka zamai zamai, gaini ɓaka na gaini alini seyem, gaini wazagai zi ɗûgûdi zi lûgûzi, kapai e kisi ɓaka zi zini tese amlai war dalam na wiini EPIƊ-ƊAI.

²⁷Amma na ɓa ki ɵini ma kai, ki zi Sabbat ɗa edi aŋ mefeŋ na sɗik kai, ki libi ɗa a zak ɗa lai, ki niyisi aha mini porte na wiiɗi Yeruzalem war mefeŋ na wiini Sabbat lai ɗa, nɵa aga mu ɵa afu pini porte na wiini fuŋ n’abai ɗa, aga a ya dalam na pɗam na Yeruzalem edi, afu ni ɗa a mra kir kai.