Read Mousgoum Yeremiyas 45 Bible Online

Yeremiyas 45 - Mousgoum bible

Yeremiyas 45

¹Miɗi na Yeremiyas ɗif na min Alaw a miɗiŋni wiini Baruk n’ahini Neriya, won hlai na ni a na ɗo seŋ hanɗa war maktuɓ, hlai na Yeremiyas a na miɗiŋni, war buza n’ag'aŋ puɗu na wiini Yoyakim n’ahini Yoziyas, pai na Yuda

²Epiɗ-ɗai Alaw na wiiɗi Izrayel a na muɗa muduku tuku Baruk maini nɵa:

³Ku na muɗa ɓa: A gir na maɵaɗa? Mu nafu war gir blaŋ, tiyana EPIƊ-ƊAI a riya girŋa na ɗa amai sek sek. Mu kaya tin nuumi su, si n’amla aŋ kai.

⁴Aga ku miɗini maini nɵa: EPIƊ-ƊAI a na mɗa maini nɵa: Na mu rgaŋ amai ɗa, mu haɗaŋ azumai, na mu paŋ azumai ɗa mu hurɗaŋ amai lai- Mu zaŋ nɵa midini afti paŋ

⁵Tuku ɗa Ablaŋtaŋkai aga ku paya wazagai n’abakai ɗi ɗa, ku paya hanɗa kai. Buri ɓ'aga mu kasi gir midiɗi ɗai paŋ -A miɗi na sin EPIƊ-ƊAI par- amma aga mu suku suŋfaku aŋ der war hlai n’aga ku hala woni paŋ