Read Mousgoum Ezekiyel 15 Bible Online

Ezekiyel 15 - Mousgoum bible

Ezekiyel 15

¹EPIƊ-ƊAI a muɗa seŋ, a muɗaŋa:

²Tuku ɗif murɗek, wayaŋa seŋ haw ɗa: Luwuŋ zi vin ɗa a suwa luwoŋai zamai paŋ ɗi? Tini n’a waŋ edi ɗa, a suwa tini luwoŋai zamai na war jur ɗa paŋ ɗi?

³Luwuŋ ni ɗa, e ɗa e zi wala ktai gaini ɗi? E kiɗi e ziŋ aŋ wala n’e higi wala amai sini ɗi?

⁴Zaw kai, e wiŋ ɗa mini afu, afu a yaŋ, a ya mini na sulu paŋ, arbani n’amlai lai a kiɗa a za zamai ɗa a maɗa?

⁵Won hlai n’a naka gaini yi kai ɗa maa e zi wala ktai gaini kai. Tiyana n’afu a yaŋ yi ɗa, a nafa zamai ɗa a maɗa? E kiɗi e zi wala zamai gaini ɗe?

⁶Buri nɵa, Epiɗ-ɗai Alaw a na muɗa maini zila: Maini luwuŋ zi vin n’arbani luwoŋai n’edi war jur n’a ya ɗa nɵa, aga mu yiɗi ɗai na Yeruzalem ɗa nɵa lai.

⁷Aga mu bunda ara siɗi, e niyisi ɗa arni afu par, amma afu aga a yiɗi edi, aga a yima midiki ɓa ta m’EPIƊ-ƊAI, won hlai na mu bunda ara li siɗi ɗa.

⁸Aga mu bunda aftiɗi ɗa aŋ basga na kadai su, buri ɓa e zi wazagai na haharai. A miɗi na sini Epiɗ-ɗai Alaw par.